Կոլֆի Ճերըլտ եւ Մարք 17-րդ Մրցաշարք

Երկուշաբթի, 8 Հոկտեմբեր 2018-ին, Սան Ֆրանսիսքոյի մէջ տեղի ունեցաւ ազգային բարերար Հէնք Խաչատուրեանի հանգուցեալ զաւակներուն՝ Ճերըլտի եւ Մարքի անուան կոլֆի 17-րդ տարեկան մրցաշարքը, որուն յաջորդեց ճաշկերոյթը։ Հ. Խաչատուրեան հանգանակային բնոյթով այս մրցումը կը հիւրընկալէ նպաստ տրամադրելու համար բարեսիրական նպատակներու։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, ընդառաջելով բարերարին հրաւէրին, այս տարի եւս ներկայ եղաւ ճաշկերոյթին, ուղղեց իր պատգամը եւ աղօթք բարձրացուց Խաչատուրեան ընտանիքի հանգուցեալներու յիշատակին։ Առաջնորդ Սրբազանին ընկերացան Ս. Գրիգոր Լուսաւորիչ եկեղեցւոյ հոգեւոր հովիւ Հոգշ. Տ. Պարոյր Վրդ. Շերնէզեան, հոգաբարձութեան ատենապետ Տիար Ռոստոմ Այնթապլեան եւ գաղութի անդամներ։

Խօսքը ուղղելով հիւրընկալ բարերարին, Առաջնորդ Սրբազանը ըսաւ. «Ծանօթ խօսք է թէ գործած բարիքդ կը վերադառնայ քեզի։ Իմ ծանօթութեանս երկար տարիներուն, Ձեզ ճանչցած եմ իբրեւ քրիստոնէական առաքինութիւնները կիրարկող օրինակելի մարդ, որ տոգորուած է բարեգործութեան, սիրոյ եւ բարի կամեցողութեան սկզբունքներով եւ զգացումներով։ Ուրախ եմ, որ երկար տարիներու ձեր կատարած բարի գործերը բազմապատկուելով՝ տարուէ տարի կը վերադառնան ձեզի, եւ դուք զօրակցութիւն կը վայելէք այս գեղեցիկ ձեռնարկին ճամբով»։ Ան օրհնեց Տիար Խաչատուրեանը՝ առատաձեռն բարիքներուն եւ իր հիմնարկին ճամբով մարդոց կեանքերուն վրայ թողած բարերար ազդեցութեան համար, նաեւ օրհնեց յիշատակը անոր հանգուցեալ զաւակներուն ու կնոջ՝ Ռիթայի։

Print Friendly, PDF & Email

ՎԵՐՋԻՆ ԼՈՒՐԵՐ

Միացեալ Նահանգներու Ներկայացուցիչներու Տունը Ընդունեց Հայոց Ցեպասպանութիւնը Որդեգրող Թիւ 296 Բանաձեւը

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, Կրօնական Ժողովն ու Ազգային Վարչութիւնը, կ՛ողջունեն Երեքշաբթի 29 Հոկտեմբեր 2019-ին, Հայոց Ցեղասպանութիւնը... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

December 1, 2019 November 24, 2019