Քաջալերենք «The Promise» Ֆիլմը


Այսու կը հաղորդենք մեր ժողովուրդին, որ յառաջիկայ 21 Ապրիլ 2017ին, Հայկական Ցեղասպանութիւնը իբրեւ խորքային պատկեր ունեցող «The Promise» ֆիլմը պիտի սկսի ցուցադրուիլ Ա.Մ. Նահանգներու տարբեր շրջաններու, ներառեալ Լոս Անճելըսի պատկերասրահներուն մէջ:

Հայ եւ ոչ-հայ ձեռքերու միացումով պատրաստուած ֆիլմը իրականացած է հանգուցեալ ազգային բարերար Քըրք Գրգորեանի հիմնած՝ ժապաւէններու արտադրութեան «Survival Pictures» հիմնարկին կողմէ, գլխաւորաբար Տոքթ. Էրիք Իսրայէլեանի ջանքերով: Սա Ցեղասպանութեան օրերը գեղարուեստական ոճով պաստառ հանող գործ մըն է, կը պատմէ 1914ին սկիզբ առած իրադարձութիւններ, որոնց խորքին կը ներկայացուին Ցեղասպանութիւնն ու Օսմանեան կայսրութեան այդ օրերու դաժան մթնոլորտը: Այս ֆիլմը մաս կը կազմէ Ցեղասպանութեան 100-ամեակին նուիրուած նախաձեռնութեանց եւ կը խոստանայ կարեւոր ներդրում ունենալ մեր Դատի ճանաչողութեան ու դրական քարոզչութեան գործին մէջ: Նշենք, որ ինչպէս Ցեղասպանութիւնը յիշեցնող նմանօրինակ ֆիլմեր, այս գործն ալ իր դէմ գտած է Թուրքիոյ խափանողի հակազդեցութիւնը, սակայն յաղթահարած է զանոնք: Անոր ցուցադրութեան ու ցրուումի պատասխանատուութիւնը ստանձնած է «Open Road Films» ընկերութիւնը: Անցեալ Հոկտեմբերին, ֆիլմին առաջին ցուցադրութիւնը տեղի ունեցաւ Թորոնթոյի ժապաւէններու փառատօնին եւ արժանացաւ բարձր գնահատանքի:

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան կոչ կ’ուղղէ մեր ժողովուրդի բոլոր զաւակներուն՝ կազմակերպութեանց, միութեանց, բոլոր վարժարաններու տնօրէնութեանց, հայկական թէ հանրային վարժարաններու աշակերտութեան, ծնողներուն, որ բացման օրն ու այնուհետեւ մեծաթիւ ներկայ ըլլան ժապաւէնի ցուցադրութեան, նաեւ քաջալերեն իրենց ոչ-հայ բարեկամները տեսնելու զայն, իբրեւ գործնական քաջալերանք՝ հայութեան նպաստ բերող այս գործին:

Խօսելով ֆիլմին ցուցադրութիւնը յաջողութեան հասցնող ճիգերուն մասին, Առաջնորդ Սրբազանը նշեց. «Սա հայերուս համար հպարտութեան առիթ մըն է, հպարտութեան առիթ պէտք է ըլլայ ամբողջ մարդկութեան համար, բոլոր անոնց՝ որոնք կը գնահատեն ճշմարտութիւնն ու արդարութիւնը, որովհետեւ, ինչպէս ըսած է Մարթին Լութըր Քինկ Կրտսեր՝ ‘որեւէ տեղ գործուած անարդարութիւն՝ սպառնալիք մըն է արդարութեան դէմ, ամէնուր’»:

Print Friendly

ՎԵՐՋԻՆ ԼՈՒՐԵՐ

Քաջալերենք «The Promise» Ֆիլմը

ThePromisePoster
Այսու կը հաղորդենք մեր ժողովուրդին, որ յառաջիկայ 21 Ապրիլ 2017ին, Հայկական Ցեղասպանութիւնը իբրեւ խորքային պատկեր ունեցող «The Promise» ֆիլմը պիտի... [...]

2017 – Վերանորոգումի Տարի

Vehapar New Photo
Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն Նոր տարուան սեմին, Մեծի Տանն Կիլիկիոյ... [...]

Առաջնորդ Սրբազան Հօր Նոր Տարուան եւ Ս. Ծննդեան Ընթրիքի Երեկոս Վերանորոգման Ուխտով Զօրակցութեան Նոր Նուաճում Մը Աւս Արձանագրեց – Գնահատանքի Յուշանուէրներ Տէր եւ Տիկին Սարգիս եւ Նունէ Սեփէթճեան, Տոքթ. եւ Տիկին Սքաթ եւ Ճէյն Ասմար եւ Տէր եւ Տիկին Վահան եւ Անոյշ Շամլեան Բարերար Ամոլներուն

230-DSC_0631
Արեւմտեան Միացեալ Նահանգներու մեր Թեմի Ազգային Առաջնորդարանի մեծ ընտանիքը, իր ծխական շրջաններով եւ պետական ու միութենական կազմակերպութեանց ներկայացուցիչներով, յարգելով տասնամեակներու... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ


Prelate's Appeal for "The Promise"
February 19, 2017

ԼՈՒՐԵՐՈՒ ԱՐԽԻՒ