Հայաստանի Հանրապետութեան Լիազօր Դեսպան Մեծարգոյ Վարուժան Ներսէսեան Այցելեց Ազգ. Առաջնորդարան

Ուրբաթ, 26 Յուլիս 2019-ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ընդունեց անդրանիկ այցելութիւնը Հայաստանի Հանրապետութեան լիազօր դեսպան Վարուժան Ներսէսեանի, որուն կ’ընկերանային Լոս Անճելըսի մէջ Հայաստանի գլխաւոր հիւպատոս Դոկտ. Արմէն Բայբուրդեան եւ խորհրդական Տիար Վարազդատ Պահլաւունի։ Հանդիպումին ներկայ էին Ազգային Վարչութեան ատենապետ՝ Տիար Կարօ Էշկիեան եւ Արժ. Տ. Մովսէս Քհնյ. Շաննագեան։

Առաջնորդ Սրբազանը յանուն Թեմիս հոգեւորականաց դասուն եւ Ազգային Իշխանութեան բարի գալուստ մաղթեց մեծարգոյ դեսպանին եւ անոր ընկերակցող հիւրերուն։ Առաջնորդ Սրբազանը ողջունելէ ետք հիւրերը, բարձրօրէն գնահատեց դեսպանին տարած ազգօգուտ առաքելութիւնը եւ անոր բեղուն գործունէութիւն ու յաջողութիւն մաղթեց։ Իսկ Ազգային Վարչութեան Ատենապետը իր սրտի խօսքին մէջ դրուատեց դեսպանը ու Ազգային Վարչութեան անունով պատրատակամութիւն յայտնեց աւելի եւս խորացնելու Առաջնորդարան եւ դեսպանատուն գործակցութիւնը։

Հանդիպման ընթացքին քննարկուեցաւ Հայրենիք-Սփիւռք համագործակցութեան նոր ծաւալ տալու եւ յարաբերութիւնները աւելի զարգացնելու անհրաժեշտութիւնը:

Այցելութեան աւարտին, ներկաները ուղղուեցան «Ս. Տրդատ եւ Ս. Աշխէն» մատուռ, ուր աղօթքի պահ մը ունեցան։

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 18, 2019 August 11, 2019

ԼՈՒՐԵՐՈՒ ԱՐԽԻՒ