Հայաստանի Ամերիկեան Համալսարանի Ճաշկերոյթ

Շաբաթ, 7 Սեպտեմբեր 2019-ին, Հայաստանի Ամերիկեան Համալսարանի ճաշկերոյթը տեղի ունեցաւ Լոս Անճելըսի «California Club» սրահէն ներս։ Օրը եզակի էր իր բնոյթով, որու ընթացքին Համալսարանի նախկին նախագահ եւ հիմնադիրներէն Դոկտ. Արմէն Տէր Կիւրեղեան պատուուեցաւ Համալսարանին մատուցած իր անսակարկ ու երկար ծառայութեան համար։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ներկայ գտնուեցաւ ճաշկերոյթին եւ բացման աղօթքը կատարեց։ Ան բարձր գնահատեց Տիար Կիւրեղեանի ազգանուէր գործունէութիւնն ու ներդրումը, ինչպէս նաեւ դրուատեց այն բոլոր նուիրեալները, որոնք յանձն առին կառուցելու Համալարանը։ Ապա աղօթք բարձրացուց առ Աստուած, որ Իր հովանին անպակաս ընէ Համալսարանի վրայէն եւ մաղթեց որ այս նուիրական կառոյցը յարաճուն վերելք արձանագրէ, իսկ անոր երդիքին տակ կրթութիւն ստացող նորահաս սերունդը լուսաշող ապագայ ունենայ։

Յայտագիրը սկիզբ առաւ կազմակերպիչ յանձնախումբի համա-ատենապետներու՝ Տիկնայք Լոռի Մունչերեանի եւ Արսինէ Ֆիլիփսի ողջոյնի խօսքերով։ Ճաշկերոյթի ընթացքին գնահատանքի խօսքեր արտասանուեցան։ Օրուան յոբելեարը իր սրտի խօսքը արտասանեց իսկ Համալսարանի պատասխանատուներ շնորհաւորական խօսքերով ելոյթ ունեցան։

Print Friendly, PDF & Email

ՎԵՐՋԻՆ ԼՈՒՐԵՐ

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

September 15, 2019 September 8, 2019

ԼՈՒՐԵՐՈՒ ԱՐԽԻՒ