ԳՆԱՀԱՏԱՆՔԻ ՆՈՒԷՐ ՄԸ՝ ԱԶԳ. ՄԵՍՐՈՊԵԱՆ ԵՐԿՐԴ. ՎԱՐԺԱՐԱՆԻՆ

Չորեքշաբթի, 12 Դեկտեմբերի կէսօրին, Առաջնորդ Սրբազան Հայրը, ընկերակցութեամբ Ազգային Վարչութեան ատենադպիր Տիար Մհեր Տէր Յովհաննէսեանի եւ ազնիւ Տիկնոջ՝ Սաթիկի, այցելեց Ազգային Մեսրոպեան Երկրդ. Վարժարան եւ հիւրընկալուեցաւ Տնօրէնութեան, ուսուցչական կազմին եւ աշակերտութեան կողմէ։

Այցելութիւնը տեղի կþունենար ուրախ առիթով մը. Տիար Մհեր Տէր Յովհաննէսեան բախտաւոր դուրս եկած էր ու շահած՝ վարժարանին կազմակերպած վիճակահանութեան գլխաւոր նուէրը՝ ինքնաշարժ մը։

Աշակերտները գեղեցիկ անակնկալ մը պատրաստած էին յարգելի հիւրերուն. անոնք երգերով ու արտասանութիւններով դիմաւորեցին Առաջնորդ Սրբազանն ու Տէր Յովհաննէսեան ամոլը, Ամանորի եւ Ս. Ծննդեան տօներու նախօրեակին ստեղծելով հայկական մթնոլորտ, գործնապէս ցոյց տալով, որ մեր վարժարանները են ու կը մնան մեր մշակոյթի օճախները։

Ստեղծուած խանդավառ մթնոլորտը յուզում պատճառեց հիւրերուն. Տէր եւ Տիկին Մհեր եւ Սաթիկ Տէր Յովհաննէսեան վիճակահանութեան պարգեւը ամբողջութեամբ՝ 15,000 տոլար, նուիրեցին վարժարանին, առ ի քաջալերանք անոր հայակերտումի աշխատանքին։

Առաջնորդ Սրբազանն ու ընկերակից հիւրերը վարժարանէն մեկնեցան խոր տպաւորութեամբ եւ աղուոր յիշատակներով։

Print Friendly, PDF & Email

ՎԵՐՋԻՆ ԼՈՒՐԵՐ

Հիւսիսային Ամերիկայի Արեւմտեան Թեմը Կ’ողջունէ Հայոց Ցեղասպանութեան Բանաձեւին Որդեգրումը Ա.Մ.Ն. Ծերակոյտին Կողմէ

Հինգշաբթի, 13 Դեկտեմբեր 2019-ն պատմական օր եղաւ հայ ժողովուրդին համար. Ա.Մ. Նահանգներու Ծերակոյտը առաջին անգամ ըլլալով եւ միաձայնութեամբ որդեգրեց Հայոց... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

December 8, 2019 December 1, 2019