Տ. Վազգէն Աւ. Քհնյ. Աթմաճեան Կլենտէյլի Հայ Դատի Յանձնախումբի Կողմէ Պարգեւատրուեցաւ

Կիրակի, 25 Օգոստոս 2019-ին, «Ռենէսանս» ճաշասրահէն ներս տեղի ունեցաւ Կլենտէյլի Հայ Դատի յանձնախումբի տարեկան մրցանակաբաշխութեան եւ գնահատանքի ձեռնարկը, որուն ընթացքին մեծարանքի արժանացան անձնաւորութիւններ ու կազմակերպութիւններ որոնք ներդրում ու նպաստ ունեցած են Կլենտէյլի հայ համայնքին։

Այս տարուան յոբելեարներն էին Արժ. Տ. Վազգէն Աւ. Քհնյ. Աթմաճեան՝ «Կեանքի Մը Իրագործումներ» մրցանակ, «Ասպարէզ» օրաթերթ՝ «Հայ Դատ» մրցանակ, Քալիֆորնիոյ Հայ Երիտասարդաց Միութիւն՝ Վուտրօ Ուիլսընի անուան «Հանրային Սպասարկութեան» մրցանակ, Կլենտէյլի Երիտասարդ Քրիստոնեաներու Կանանց Միութիւն՝ Մարիա Ճէյքըպսընի անուան «Մարդասիրութեան» մրցանակ, Լենա Գորթոշեան՝ «Համայնքային Սպասարկութեան» մրցանակ եւ Նիքոլեթա Սարգիսեան՝ «Երիտասարդ Գործիչ» մրցանակ։

Յանուն Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանին, ձեռնարկին ներկայ գտնուեցաւ Առաջնորդական Փոխանորդ Գերշ. Տ. Թորգոմ Եպս. Տօնոյեան, որ ընթերցեց Առաջնորդ Սրբազան Հօր կողմէ Տէր Վազգէնին ուղղուած օրհնութեան եւ գնահատանքի գիրը։

Առաջնորդ Սրբազանը իր խօսքին մէջ վեր առած էր Տէր Հօր աւելի քան 25 տարիներու ծառայական կեանքը եւ դրուատած էր անոր անանձնական նուիրումը, անմնացորդ սէրը եւ գործօն մասնակցութիւնը թէ՛ հոգեւոր, թէ՛ մշակութային, թէ՛ բարեգործական եւ թէ՛ հայրենանուէր բնագաւառներէն ներս։ Ան նաեւ իր խօսքին մէջ գնահատեց Տէր Հօր կրօնական դաստիարակչական ծառայութիւնը, որպէս ուսուցիչ։

Print Friendly, PDF & Email

ՎԵՐՋԻՆ ԼՈՒՐԵՐ

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 13, 2019 October 6, 2019

ԼՈՒՐԵՐՈՒ ԱՐԽԻՒ