Մարիա Ճէյքըպսընի Յիշակատման Արարողութիւն՝ Սոլվէնկի Մէջ

Մարիա Ճէյքըպսընի Բարեկամներու Ընկերակցութեան կազմակերպութեամբ, Կիրակի, 5 Մայիս 2019-ին, Սոլվէնկի Բեթանիա Լուտերական եկեղեցւոյ մէջ տեղի ունեցաւ Ճիպէյլի «Թռչնոց Բոյն» որբանոցի հիմնադիր՝ Մարիա Ճէյքըպսընի նուիրուած տարեկան յիշատակի արարողութիւնը։

Յանուն Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանին, արարողութեան մասնակցեցաւ Արժ. Տ. Մովսէս Քհնյ. Շաննագեան։

Յայտագիրը սկիզբ առաւ աղօթքով, որ կատարուեցաւ եկեղեցւոյ շրջափակին մէջ գտնուող Մարիա Ճէյքըպսընի կիսանդրիին շուրջ։ Ընկերակցութեան ատենապետ Դոկտ. Կարպիս Տէր Եղիայեան բարի գալուստ մաղթեց եւ շնորհակալութիւն յայտնեց բոլորին ներկայութեան համար։

Տ. Մովսէս ներկայացուց Առաջնորդ Սրբազանին խօսքը, երախտագիութիւն յայտնելով Մարիա Ճէյքըպսընին եւ որբախնամ բոլոր հիմնարկներուն, նաեւ խնդրելով Հայոց Ցեղասպանութեան Ս. նահատակներուն բարեխօսութիւնը բոլոր անոնց, որոնք նման աղէտներու կ՛ենթարկուին։

Եկեղեցւոյ հոգեւոր հովիւ՝ պատուելի Քրիս Պրաուն իր խօսքին մէջ գոհունակութիւն յայտնեց արարողութեան համար եւ հաստատեց, որ եկեղեցւոյ դռները միշտ բաց են նման առիթներու։

Յայտագիրը ունէր նաեւ գեղարուեստական բաժին։ Արարողութիւնը վերջ գտաւ «Կիլիկիա»ի խմբերգումով, ապա, կազմակերպիչ յանձնախումբը ճաշով հիւրասիրեց մասնակիցները։

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 11, 2019 August 4, 2019

ԼՈՒՐԵՐՈՒ ԱՐԽԻՒ