Կիրակի, 7 Ապրիլ 2019-ին, Հոլիվուտ Հիլզի Ֆորէսթ Լոն գերեզմանատան «Լիպըրթի» սրահին մէջ տեղի ունեցաւ «Ապրիլեան Հերոսներ» ժապաւէնի առաջին ցուցադրութիւնը Ա.Մ. Նահանգներու մէջ։
Յանուն Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանին, Հոլիվուտի Ս. Կարապետ Մայր Եկեղեցւոյ Հովիւ Արժ. Տ. Վիգէն Աւ. Քհնյ. Վասիլեան ներկայ եղաւ ձեռնարկին։
Ներկաներուն առիթ տրուեցաւ հարցումներ ուղղելու ֆիլմարտադրիչ Ցվետանա Փասքալեւայի։ Տեղի ունեցաւ մոմավառութեան արարողութիւն ի յիշատակ մեր ինկած հերոսներուն։