ՀՕՄ-ի Շաբաթօրեայ Վարժարանները Միացեալ Հանդէսով Տօնեցին Բուն Բարեկենդանը

Շաբաթ, 2 Մարտ 2019-ի առաւօտեան, ՀՕՄ-ի շաբաթօրեայ վարժարաններու աշակերտներ իրենց ծնողներուն հետ համախմբուեցան Հայ Քոյրերու վարժարանի սրահին մէջ, տօնելու համար Բուն Բարեկենդանը։ Միացեալ հանդէսը կազմակերպուած էր շաբաթօրեայ վարժարաններու խնամակալ մարմինին կողմէ։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի տնօրինումով, ներկայ եղաւ Արժ. Տ. Ղեւոնդ Քհնյ. Քիրազեան, որ համապարփակ բովանդակութեամբ բացատրեց Բուն Բարեկենդանի տօնին խորհուրդը, ինչպէս նաեւ գնահատեց՝ ՀՕՄ-ի հայապահպանման եւ հայեցի դաստիարակութեան առաքելութիւնն ու ծրագիրները:

Ներկայ էին ՀՕՄ-ի Շրջանային Վարչութեան ներկայացուցիչ Տիկին Մարալ Թուլումեան եւ շաբաթօրեայ վարժարաններու խնամակալ մարմինի անդամներ, որոնց անունով ողջոյնի խօսք արտասանեց Դոկտ. Սիւզի Օհանեան: Հանդէսը վարեց յիշեալ մարմինի անդամներէն՝ վաստակաւոր դաստիարակ Տիկին Լինտա Գանտիլեան:

Հնչեցին Հայաստանի եւ ՀՕՄ-ի քայլերգները։ Գեղարուեստական յայտագիրին ճամբով, աշակերտները կեանքի կոչեցին Յովհաննէս Թումանեանը, Սիլվա Կապուտիկեանը, Գէորգ Էմինը, Շարլ Ազնաւուրն ու այլ մեծեր, ներկայացնելով անոնց բանաստեղծութիւններէն պատառիկներ։ Ապա, Բուն Բարեկենդանը կենդանացաւ իր եօթ փետուրներու բացատրութեամբ: Յայտագիրը ունէր նաեւ երգերու եւ պարերու բաժին մը։

Հանդէսի աւարտին, խնամակալ մարմինի անդամներէն Տիկին Սոնա Մատարեան գնահատեց աշակերտները ու անոնց ծնողները, որոնք կը վստահին ՀՕՄ-ի առաքելութեան, նաեւ գնահատանք արձանագրեց բոլոր դաստիարակներուն։

Print Friendly, PDF & Email

ՎԵՐՋԻՆ ԼՈՒՐԵՐ

Յարութ Պարսամեան Ուսանողական Կրթաթոշակի Դիմումնագիրներու Ընդունում 2019-2020 Տարեշրջանին Համար

Արեւմտեան Թեմի բարեխնամ Առաջնորդ Բարձր. Տ. Մուշեղ Արք. Մարտիրոսեան, Ազգային Վարչութիւնն ու «Պարսամեան» Կրթաթոշակի Յանձնախումբը այսու կը յայտարարեն, թէ ուսումնական... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

June 16, 2019 June 9, 2019

ԼՈՒՐԵՐՈՒ ԱՐԽԻՒ