Պաղտասարեան Ընտանիքը Գլխաւոր Հովանաւոր Առաջնորդ Սրբազան Հօր Նոր Տարուան եւ Ս. Ծննդեան Ընթրիքին

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, Կրօնական Ժողովն ու Ազգ. Վարչութիւնը եւ Տիկնանց Օժանդակ Մարմինը ուրախ են յայտարարելու, որ Տիկին Հիլտա Պաղտասարեան եւ իր զաւակները Տէր եւ Տիկին Գեւիկ եւ Փաուլա եւ Տէր եւ Տիկին Փիթըր եւ Ռուպի սիրայօժար կերպով յանձն առած են «Առաջնորդ Սրբազան Հօր Նոր Տարուան եւ Ս. Ծննդեան» աւանդական ընթրիքի գլխաւոր հովանաւորութիւնը, ի յիշատակ իրենց ամուսնոյն ու հօր, մեր Թեմի ու գաղութի նուիրեալ բարերարներէն՝ հանգուցեալ Յակոբ Պաղտասարեանի։

Ձեռնարկը տեղի պիտի ունենայ Կիրակի, 6 Յունուար 2019-ի երեկոյեան ժամը 6-ին, Մոնթեպելլոյի Ս. Խաչ Մայր Տաճարի «Բաղրամեան» սրահին մէջ, հովանաւորութեամբ Առաջնորդ Սրբազան Հօր, նախաձեռնութեամբ Կրօնական Ժողովին ու Ազգային Վարչութեան եւ կազմակերպութեամբ Ազգ. Առաջնորդարանի Տիկնանց Օժանդակ Մարմինին:

Առաջնորդ Սրբազանը բարձրօրէն գնահատելով Պաղտասարեան ընտանիքին նուիրաբերումը, նշեց՝ «Այս հովանաւորութեամբ, Պաղտասարեան ընտանիքը անգամ մը եւս կ՛ապացուցէ իր հարազատին ծառայական կեանքի ուղին ու ազգանուէր գործունէութիւնը շարունակելու յանձնառութիւնը։ Թող Աստուած օրհնէ Պրն. Յակոբին յիշատակը եւ Իր Ս. Աջը հովանի պահէ Պաղտասարեան ընտանիքներու յարկերուն վրայ։»

Print Friendly, PDF & Email

ՎԵՐՋԻՆ ԼՈՒՐԵՐ

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

November 22, 2020 November 15, 2020