Կաթողիկոսարանի Երիտասարդական Ամառնային Դասընթացքի Մասնակիցները Այցելեցին Առաջնորդ Սրբազանին

Ինչպէս հաղորդած էինք, հովանաւորութեամբ Ն.Ս.Օ.Տ.Տ. Արամ Ա. Կաթողիկոսին եւ կազմակերպութեամբ Մեծի Տանն Կիլիկիոյ Կաթողիկոսութեան Քրիստոնէական Դաստիարակութեան Բաժանմունքին, 5 էն 18 Օգոստոսին, Անթիլիասի մայրաքանքէն ներս տեղի ունեցաւ երիտասարդական ամառնային երկշաբաթեայ յատուկ դասընթացք մը, մասնակցութեամբ Հիւսիսային Ամերիկայի Արեւմտեան, Արեւելեան եւ Քանատայի թեմերէն երիտասարդներու։

Արեւմտեան մեր Թեմէն մասնակցեցան 6 երիտասարդներ՝ Շահան Աթմաճեան, Յովիկ Ջաղացպանեան, Փառէն Տէր Պետրոսեան, Վանա Տէմիրճեան, Լարա Տէմիրճեան եւ Գարին Այվազեան։

Չորեքշաբթի, 11 Սեպտեմբերին, Շահան Աթմաճեան, Յովիկ Ջաղացպանեան եւ Փառէն Տէր Պետրոսեան այցելեցին Ազգ. Առաջնորդարան ուր հանդիպում մը ունեցան Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանին հետ իրենց տպաւորութիւնները փոխանցելու եւ Անթիլիասի մէջ ունեցած փորձառութեանց արժեւորումը կատարելու համար։ Այնուհետեւ, անոնք հարցազրոյց մը ունեցան «Եկեղեցին Հայկական» պատկերասփիւռի մեր յայտագրէն։

Առաջնորդ Սրբազանը օրհնեց ու գնահատեց երիտասարդները, յոյս յայտնելով, որ անոնք իրենց ամբարած գիտելիքները պիտի կարենան բաժնեկցիլ իրենց ծառայած եկեղեցիներուն երիտասարդներուն հետ, եւ յաջողութիւն մաղթեց իրենց ապագայի բոլոր ծրագիրներուն։

Print Friendly, PDF & Email

ՎԵՐՋԻՆ ԼՈՒՐԵՐ

Միացեալ Նահանգներու Ներկայացուցիչներու Տունը Ընդունեց Հայոց Ցեպասպանութիւնը Որդեգրող Թիւ 296 Բանաձեւը

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, Կրօնական Ժողովն ու Ազգային Վարչութիւնը, կ՛ողջունեն Երեքշաբթի 29 Հոկտեմբեր 2019-ին, Հայոց Ցեղասպանութիւնը... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

November10, 2019 November 3, 2019