Ս. Վարդանանց Տօնակատարութիւն

Ս. Վարդանանց Զօրավարաց տօնին առթիւ, Հինգշաբթի, 28 Փետրուար 2019-ի երեկոյեան, Էնսինոյի Ս. Նահատակաց եկեղեցւոյ մէջ Ս. Պատարագ մատուցուեցաւ, հանդիսապետութեամբ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի եւ մասնակցութեամբ հոգեւորականաց դասուն։ Պատարագեց եւ քարոզեց Նորթ Հոլիվուտի Հայց. Առաք. Եկեղեցւոյ հոգեւոր հովիւ Արժ. Տ. Արսէն Քհնյ. Գասապեան։

Քարոզէն առաջ, երգուեցաւ տօնին նուիրուած «Նորահրաշ» շարականը, որուն հետեւեցաւ «Քրիստոս Աստուած մեր» մաղթանքը։

Պատարագիչ քահանան իր քարոզին մէջ նշեց, որ ամէն տարի կը հաւաքուինք միասնաբար պանծացնելու յիշատակը Ս. Վարդանանց 1036 նահատակներուն եւ թարմացնելու մեր միտքերն ու հոգիները որպէսզի անոնց պատգամով գօտեպնդուինք, որոնք գիտակից մահով իրենց կեանքը զոհեցին «վասն հաւատոյ եւ վասն հայրենեաց»։ Ան պատմութեան անդրադառնալով՝ յիշեց, որ թէեւ Աւարայրի դաշտին վրայ հայկական բանակը պարտութիւն կրեց, սակայն մենք յաղթական կը համարուինք 484-ին կնքուած Նուարսակի դաշնագիրով, եւ Աւարայրէն ետք, 1568 տարիէ ի վեր կը գոյատեւենք, մեր Քրիստոնէական հաւատքով, հայոց լեզուով եւ մշակոյթով, շնորհիւ Ս. Վարդանանց հաւատքին ու զոհաբերութեան։

Տ. Արսէն նշեց, որ այսօր ալ աւելի քան երբեք, մենք պէտք ունինք Վարդանի զօրավարի եւ Ղեւոնդ Երէցի նման հերոսներու, որպէսզի մեզ առաջնորդեն։ Եզրափակելով, ան շեշտեց ազգային ոգիի եւ ինքնութեան գիտակցութեան ամրապնդման ու զանոնք նորահաս սերունդներուն փոխանցելու կարեւորութիւնը, ինչպէս նաեւ յանձնառու ըլլալու մեր նախնիներու նման պահելու մեր կրօնքն ու աւանդութիւնները։

Ս. Պատարագի աւարտին, Ս. Վարդանանց տօնին նուիրուած հայրենասիրական երգեր հնչեցին, մասնակցութեամբ հոգեւորականաց դասուն եւ հաւատացեալներուն։

Արարողութիւնը վերջ գտաւ «Կիլիկիա»ի եւ «Մեր Հայրենիք»ի երգեցողութեամբ։

Print Friendly, PDF & Email

ՎԵՐՋԻՆ ԼՈՒՐԵՐ

Յարութ Պարսամեան Ուսանողական Կրթաթոշակի Դիմումնագիրներու Ընդունում 2019-2020 Տարեշրջանին Համար

Արեւմտեան Թեմի բարեխնամ Առաջնորդ Բարձր. Տ. Մուշեղ Արք. Մարտիրոսեան, Ազգային Վարչութիւնն ու «Պարսամեան» Կրթաթոշակի Յանձնախումբը այսու կը յայտարարեն, թէ ուսումնական... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

June 16, 2019 June 9, 2019

ԼՈՒՐԵՐՈՒ ԱՐԽԻՒ