Ամերիկայի Մարդահամարի Գրասենեակի Ներկայացուցիչը Այցելեց Ազգ. Առաջնորդարան

Երեքշաբթի, 30 Յուլիս 2019-ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ընդունեց Միացեալ Նահանգներու Մարդահամարի Գրասենեակի Լոս Անճելըս գաւառի ներկայացուցիչ Անահիտ Թովմասեանը, որ եկած էր տեղեկութիւններ փոխանցելու, թէ ինչպէ՛ս կարելի է 2020-ին ամերիկահայերու մարդահամարի ճշգրիտ հաշիւ ապահովել։ Հանդիպումին ներկայ էր նաեւ Կրօնական Ժողովի ատենապետ՝ Գերպ. Տ. Միւռոն Ծ. Վրդ. Ազնիկեան։

Տիկին Թովմասեան ընդգծեց, թէ ինչքան կարեւոր է Ամերիկայի բոլոր բնակիչներու ամբողջական հաշուարկը ունենալ։ Ան նաեւ խնդրեց Ազգ. Առաջնորդարանի օժանդակութիւնն ու համագործակցութիւնը՝ հարկ եղած պարագային հայ գաղութին անհրաժեշտ տեղեկութիւնը իրենց տրամադրելու համար։

Ինչպէս անցեալին, Առաջնորդ Սրբազանը անգամ մը եւս դրուատեց Տիկին Թովմասեանի ծառայութիւնն ու առաքելութիւնը, շեշտելով մարդահամարի կարեւորութիւնը եւ միաժամանակ վերահաստատելով Ազգ. Առաջորդարանի աջակցութիւնն ու գործակցութիւնը այս ուղղութեամբ։

Print Friendly, PDF & Email

ՎԵՐՋԻՆ ԼՈՒՐԵՐ

Միացեալ Նահանգներու Ներկայացուցիչներու Տունը Ընդունեց Հայոց Ցեպասպանութիւնը Որդեգրող Թիւ 296 Բանաձեւը

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, Կրօնական Ժողովն ու Ազգային Վարչութիւնը, կ՛ողջունեն Երեքշաբթի 29 Հոկտեմբեր 2019-ին, Հայոց Ցեղասպանութիւնը... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

December 1, 2019 November 24, 2019