Եպիսկոպոսական Ս. Պատարագ եւ Մատաղօրհնէք Հոլիվուտի Ս. Կարապետ Մայր Եկեղցեւոյ Անուանակոչութեան Տօնին Առիթով

Հայց. Առաքելական Եկեղեցին Երկուշաբթի, 14 Յունուար 2019-ին պիտի նշէ Ս. Յովհաննու Կարապետի տօնը, որ նաեւ անուանակոչութեան տօնն է Հոլիվուտի Ս. Կարապետ Մայր եկեղեցւոյ ու Լաս Վեկասի Ս. Կարապետ եկեղեցւոյ։

Կիրակի, 13 Յունուարին, որ նաեւ տօնն է մեր Տիրոջ Յիսուսի Քրիստոսի անուանակոչութեան, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ս. Պատարագ պիտի մատուցէ Ս. Կարապետ Մայր եկեղեցւոյ մէջ, պիտի ուղղէ իր պատգամը ու պիտի կատարէ մատաղի օրհնութիւն։

Ս. Պատարագէն ետք, նախագահութեամբ Առաջնորդ Սրբազան Հօր եւ կազմակերպութամբ եկեղեցւոյ հոգեւոր հովիւին եւ հոգաբարձութեան, «Կարապետեան» սրահին մէջ տեղի պիտի ունենայ աւանդական ճաշկերոյթը։ Այս առիթով, Հոգաբարձութիւնը գնահատանքի կ’արժանացնէ եկեղեցւոյ ու հայ համայնքին բազմամեայ ծառայութիւն մատուցող հայորդիներ։ Այս տարի պատիւի պիտի արժանանայ Տիար Յակոբ Առաքելեան, որ եկեղեցւոյ կողքին, տարիներ շարունակ նուիրեալ ծառայութիւն մատուցած է Հ.Մ.Ը.Մ.-ի Լոս Անճելըսի մասնաճիւղին եւ Ռաֆֆի Ռումանահայ Հայրենակցական եւ Մշակութային Միութեան։ Առաջնորդ Սրբազանը մեծարեալին պիտի շնորհէ օրհնութեան եւ գնահատանքի գիր մը։

Print Friendly, PDF & Email

ՎԵՐՋԻՆ ԼՈՒՐԵՐ

Յարութ Պարսամեան Ուսանողական Կրթաթոշակի Դիմումնագիրներու Ընդունում 2019-2020 Տարեշրջանին Համար

Արեւմտեան Թեմի բարեխնամ Առաջնորդ Բարձր. Տ. Մուշեղ Արք. Մարտիրոսեան, Ազգային Վարչութիւնն ու «Պարսամեան» Կրթաթոշակի Յանձնախումբը այսու կը յայտարարեն, թէ ուսումնական... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

June 23, 2019 June 16, 2019

ԼՈՒՐԵՐՈՒ ԱՐԽԻՒ