Յարութ Պարսամեան Ուսանողական Կրթաթոշակի Դիմումնագիրներու Ընդունում 2017-18 Տարուան Համար

Արեւմտեան Թեմի բարեխնամ Առաջնորդ Բարձր. Տ. Մուշեղ Արք. Մարտիրոսեան, Ազգային Վարչութիւնն ու «Պարսամեան» Կրթաթոշակի Յանձնախումբը այսու կը յայտարարեն, թէ ուսումնական 2017-2018 տարեշրջանին համար, դիմումնագիրներ պիտի ընդունի «Յարութ Պարսամեան Հայ Ուսանողներու Կրթաթոշակ»ին համար։

Հիմնադրամը հաստատուած է հանգուցեալ Փրոֆ. Յարութ Պարսամեանի կողմէ, աջակցելու համար հայ ուսանողներու, որոնք կը փափաքին բարձրագոյն ուսման տիրանալ Միացեալ Նահանգներու որեւէ վարկաւորուած համալսարանի կամ քոլէճի մէջ։ Տնօրինումները կը կատարուին այս հիմնադրամի վարիչ Յանձնախումբին կողմէ։

Թղթածրարը պէտք է պարունակէ.-

1.- Դիմումնագիր նամակ մը, ուր նշուին դիմողի ամփոփ կենսագրականը, տեղեկութիւններ իր հասարակական կեանքի մասին եւ հասցէ։ Դիմում ներկայացնողը պէտք է ուսանի գիտական մասնագիտութեան մը մէջ։ Դիմողը նաեւ արձանագրէ սփիւռքի հայութեան մասին զինք մտահոգող մէկ պարագայ եւ ի՞նչ կ՛առաջարկէ այդ մտահոգութեան մասին։

2.- Վկայագիր մը՝ ամերիկեան որեւէ օրինաւոր համալսարան կամ քոլէճ ընդունուած ըլլալու մասին։ (Նշել համալսարանի հասցէն)։

3.- Համալսարանական անձնագիր/լուսանկար

4.- Նիշերու ցուցակ եւ նախընտրաբար յանձնարարական մը։

Կը խնդրուի դիմումնագիրներու ծրարը Ազգ. Առաջնորդարան յղել մինչեւ Ուրբաթ, 30 Յունիս 2017, հետեւեալ հասցէով.-

Harut Barsamian Armenian Students Scholarship Fund
c/o Western Prelacy
6252 Honolulu Ave.
La Crescenta, CA 91214

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ

Print Friendly

ՎԵՐՋԻՆ ԼՈՒՐԵՐ

2017 – Վերանորոգումի Տարի

Vehapar New Photo
Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն Նոր տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ


May 21, 2017
May 14, 2017

ԼՈՒՐԵՐՈՒ ԱՐԽԻՒ