Լոս Անճելըսի Board of Supervisorsը Ոգեկոչեց Հայոց Ցեղասպանութեան 102-ամեակը


Լոս Անճելըս գաւառի Վերակացուներու Խորհուրդին՝ Board of Supervisors-ի անդամ Քաթրին Պարկըրի հրաւէրով, Երեքշաբթի, 18 Ապրիլ 2017ին, խորհուրդի կեդրոնին մէջ տեղի ունեցաւ Հայոց Ցեղասպանութեան ոգեկոչում, որուն ներկայ եղան եկեղեցական ու համայնքային ներկայացուցիչներ: Այս ժողովը ամէն տարի մեծ յարգանքով կը խոնարհի 1915էն 1923 տարիներուն տեղի ունեցած Հայոց Ցեղասպանութեան զոհերուն յիշատակին առջեւ: Յանուն Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, սոյն յուշահանդէսին ներկայ գտնուեցան Գերպ. Տ. Թորգոմ Ծ. Վրդ. Տօնոյեան եւ Արժ. Տ. Նարեկ Աւ. Քհնյ. Փեհլիվանեան:

Յայտագիրը սկսաւ վերակացու Քաթըրին Պարկըրի ողջոյնի խօսքով։ Խօսք առաւՀայաստանի գլխաւոր հիւպատոսի տեղակալ Տիար Վալերի Մկրտումեան, որ գնահատանքով արտայայտուեցաւ այս նախաձեռնութեան մասին եւ գոհունակութիւն յայտնեց Ցեղասպանութեան ճանաչման օղակին ընդարձակման համար:

Հայր Թորգոմ ընթերցեց Պարկըրի ու խորհուրդի անդամներուն ուղղուած Առաջնորդ Սրբազանին պատգամը, ուր ան շնորհակալութիւն կը յայտնէր, որ ամէն տարի, Մայքըլ Անթոնովիչի պաշտօնավարութեան օրերէն սկսեալ, հետեւողականօրէն Խորհուրդը կ’ոգեկոչէ յիշատակը հայութեան 1.5 միլիոն նահատակներուն եւ կը զօրակցի մեր դատին: Ան նշած էր, որ այս տարի եւս, հայութիւնը Ապրիլ ամսուան ընթացքին, աշխարհի տարածքին հրապարակային արտայայտութիւններով պիտի յիշէ եւ յիշեցնէ իր անցեալի ու նորագոյն կորուստները եւ արդար պահաջները: «102 տարիներ անցած են եւ մենք տակաւին աննահանջ վճռակամութեամբ կը շարունակենք մեր արդար պահանջներուն հետապնդումը, որպէսզի արդարութիւն ըլլայ մեր նահատակներուն, մեր հողերը վերադարձուին ու նիւթական կորուստներուն դիմաց հատուցում կատարուի հայութեան, որովհետեւ միայն արդարութիւնը եւ ոչ թէ ժամանակը կրնայ դարման բերել մեր խոր վէրքերուն. ու մենք վճռած ենք երթը շարունակել միացեալ ճիգերով եւ միաձայնութեամբ», ընդգծած էր Առաջնորդ Սրբազանը, յաջողութիւն մաղթելով այս մարմինին ծառայական աշխատանքներուն:

Print Friendly, PDF & Email

ՎԵՐՋԻՆ ԼՈՒՐԵՐ

Ազգ. Առաջնորդարանը Հրատարակեց «Արարողութիւն Սրբոյ Պատարագի» եւ «Աստուծոյ Խօսքը» Գրքոյկները

Ազգային Առաջնորդարանը այսու կը յայտնէ մեր հաւատացեալ ժողովուրդին, որ լոյս ընծայած է «Արարողութիւն Սրբոյ Պատարագի» եւ «Աստուծոյ Խօսքը» գրքոյկները, մեկենասութեամբ... [...]

Որմազդի (Poster) մրցում

Հայախօսութիւնը խրախուսելու նպատակով, ԱՄՆ Արեւմտեան Թեմի Ազգային Առաջնորդարանի Հայերէնի Վերաշխուժացման Մարմինը (ՀՎՄ), ընդարձակ քննարկումներէ եւ ուսումնասիրութիւններէ ետք, կազմած է մասնագիտական... [...]

2017 – Վերանորոգումի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն Նոր տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

November 19, 2017 November 12, 2017