ՄՈՆԹԵՊԵԼԼՕ

Ս. Խաչ Հայց. Առաք. Մայր Տաճար

Գերպ. Տ. Միւռոն Ծ. Վրդ. Ազնիկեան, Հոգեւոր Տեսուչ
Արժ. Տ. Աշոտ Քհնյ. Գամպուրեան, Հոգեւոր Հովիւ

900 W. Lincoln Ave.
Montebello, CA 90640

Telephone: (323) 727-1113
Fax: (323) 727-7701
Website: www.holycrosscathedral.org
E-mail: Holycross900@sbcglobal.net

Լոս Անճելըսի շրջանի առաջին եկեղեցին եղած է Ս. Խաչը, որուն փոխարէն յետոյ կառուցուած է Ս. Խաչ Մայր Տաճարը: Եկեղեցին ունի 90 տարուան պատմութիւն:

Ս. Խաչ եկեղեցւոյ համայնքին գոյառումը պէտք է առընչել Լոս Անճելըսի մէջ հայ գաղութի մը ստեղծման պարագաներուն հետ:

Մեծի Տանն Կիլիկիոյ հետագայ Աթոռակից Կաթողիկոս Երջ. Տ. Բաբգէն Ս. Եպս. Կիւլէսէրեան, 1917 Մարտ 16-ին Մեթոստիսթ եկեղեցւոյ մը մէջ հանդիսաւոր պատարագ մատուցելով, քահանայ կը ձեռնադրէ Միհրան Սարկաւագը, զայն վերակոչելով Տէր Ատոմ:

Նորօծ քահանան անմիջապէս կը նախաձեռնէ համայնքի կազմակերպման աշխատանքին:  Իր շուրջ կը հրաւիրէ հոգաբարձութիւն մը, կը կազմէ դպրաց դաս, տիկնանց յանձնախումբ, եւ ամէն Կիրակի պատարագ կը մատուցէ Եպիսկոպոսականաց եկեղեցւոյ մէջ:  Շուտով Շինութեան Յանձնախումբ մը կը կազմէ եւ 5,000 տոլարի գումար մը կը հանգանակուի:  Այս գումարով կը գնուի հողամասը 420 East 20th Street-ի վրայ, Maple Avenue-ին անկիւնը:  Այլ հանգանակութիւններով եւս գումարներ կը հաւաքուին, մինչեւ որ 1922 թուականի Մարտ 26-ին կը կատարուի հիմնօրհնէքի արարողութիւնը, ձեռամբ Տ. Վարդան Ծ. Վրդ. Գասպարեանի:  Մեծ թափով կ’ընթանան շինարարական աշխատանքները, եւ 1923-ին կը կատարուի օծումը, ձեռամբ Տ. Տիրայր Ծ. Վրդ. Մարգարեանի:

Լոս Անճելըսի համայնքի առաջին եկեղեցին՝ Ս. Խաչը, նոյն վայրին մէջ մինչեւ 1978 թուական կը ծառայէ հայ համայնքին:  Պայմաններու բերումով, երբ եկեղեցւոյ շրջապատը դիմագիծ կը փոխուի, շրջանի հայ բնակիչները հետզհետէ կը հեռանան եկեղեցւոյ մերձակայքէն եւ կը հաստատուին այլ շրջաններ, յատկապէս Մոնթեպելլոյի շրջանը:

1973-ի Դեկտեմբեր 12-ին գումարուած եկեղեցւոյ անդամական ընդհանուր ժողովը կարեւոր որոշում մը կը կայացնէ, հետեւելու ժողովուրդին օրինակին, եւ եկեղեցին տանելու հոն՝ ուր մեկնեցաւ իր ժողովուրդը:

1974-ի Մարտին կը կազմուի Շինութեան Յանձնախումբ, որ կը յաջողի հողաշերտ մը գնել Մոնթեպելլոյի Լինքըլն փողոցին վրայ:

Եկեղեցւոյ օծումը կը կատարուի 11 Նոյեմբեր 1984-ին, ձեռամբ՝ Մեծի Տանն Կիլիկիոյ Տ. Տ. Գարեգին Բ. Կաթողիկոսին:

Print Friendly, PDF & Email

ՎԵՐՋԻՆ ԼՈՒՐԵՐ

Միացեալ Նահանգներու Ներկայացուցիչներու Տունը Ընդունեց Հայոց Ցեպասպանութիւնը Որդեգրող Թիւ 296 Բանաձեւը

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, Կրօնական Ժողովն ու Ազգային Վարչութիւնը, կ՛ողջունեն Երեքշաբթի 29 Հոկտեմբեր 2019-ին, Հայոց Ցեղասպանութիւնը... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

December 1, 2019 November 24, 2019