Տէր Եւ Տիկին Սարգիս Եւ Նունէ Սեփեթճեան Յիսուն Հազար ($50,000) Տոլար Կը Նուիրեն Ազգային Առաջնորդարանին

Երեքշաբթի, 29 Դեկտեմբեր 2020ին Արեւմտեան Թեմի Ազգային Առաջնորդարանը ստացաւ յիսուն հազար տոլարի ($50,000) յատուկ վճարագիր մը (չէք)՝ մեր Թեմի բարերարներէն եւ Մեծի Տանն Կիլիկիոյ Կաթողիկոսութեան հոգեւոր զաւակներէն դպրեվանեցի Սարգիս Սեփեթճեանի եւ իր ազնուափայլ Տիկնոջ՝ Նունէի կողմէ: Անոնք նախապէս հեռաձայնային զրոյց մը ունեցած էին նորընտիր Առաջնորդ Սրբազան Հօր՝ Գերշ. Տ. Թորգոմ Ս. Եպս. Տօնոյեանի հետ եւ շնորհաւորած իր Առաջնորդական ընտրութիւնը եւ այս առիթով իրենց զօրակցութիւնը յայտնած էին Ազգային Առաջնորդարանի բոլոր գործունէութիւններուն, ինչպէս նաեւ Սրբազան Հօր բոլոր ծրագիրներուն:

Նոր Տարուան առիթով մեծարգոյ Սեփեթճեան զոյգին այս նշանակալի նուիրատուութիւնը կու գայ յաւելեալ աշխուժութեամբ խթանելու Ազգային Առաջնորդարանի ծրագիրներու կատարման ընթացքը, եւ Ազգային Առաջնորդարանը Հայ Եկեղեցւոյ ընդմէջէն վերանորոգ հաւատքով ու նուիրուածութեամբ կը շարունակէ իր ծառայութիւնը բերել մեր հայրենիքին, ազգին եւ ժողովուրդի զաւակներուն:

Print Friendly, PDF & Email

ՎԵՐՋԻՆ ԼՈՒՐԵՐ

2021 – Արցախի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն 2021 տարուան սեմին, Մեծի Տանն Կիլիկիոյ... [...]

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

February 28, 2021 February 21, 2021