Ազգային Թաղում՝ Վաստակաւոր Գործիչ եւ Թեմիս Ազգ. Վարչութեան Նախկին Ատենապեր Արման Քէօսեանի

Արեւմտեան Թեմի բարեխնամ Առաջնորդ Բարձր. Տ. Մուշեղ Արք. Մարտիրոսեան, Կրօնական Ժողովն ու Ազգային Վարչութիւնը, խոր ցաւով կը գուժեն վաստակաշատ գործիչ, Թեմիս Ազգային Վարչութեան երկարամեայ անդամ եւ ատենապետ Արման Քէօսեանի մահը, որ պատահեցաւ Երեքշաբթի, 26 Մարտ 2019-ին, Փալմ Սփրինկզի մէջ։ Պիտի կատարուի Ազգային թաղում։

Իրաւաբան Արման Քէօսեան Արեւմտեան մեր Թեմին մէջ ծառայական վաստակ կերտած է Թեմի հիմնադրութեան օրերէն սկսեալ։ Եղած է Ազգային Վարչութեան անդամ եւ երկարամեայ ատենապետ, ընտրուած է Մեծի Տանն Կիլիկիոյ Կաթողիկոսութեան Ազգային Ընդհանուր Ժողովի մեր Թեմի պատգամաւոր եւ իր ներդրումը ունեցած՝ նաեւ Կաթողիկոսութեան գործունէութեան մէջ։ Եղած է Ս. Նահատակաց եկեղեցւոյ հոգաբարձութեան անդամ Ազգային Ֆերահեան Վարժարանի հիմնադրութեան օրերուն. մաս կազմած նաեւ է Ազգ. Վարժարաններուն ուսումնական խորհուրդին։ Տասնամեակներ շարունակ, ան լայնածաւալ աշխատանք տարած է Արեւմտեան շրջանէն ներս իբրեւ գործունեայ անդամ եւ ղեկավար Հ.Յ.Դ.-ին ու հայ դատին։ Ան համեստօրէն ինքզինք պահած է լուսարձակներէ հեռու, սակայն մեծ ներդրում ունեցած է թէ՛ մեր Թեմի կազմաւորման ու կազմակերպական կեանքին եւ թէ՛ կրթական համակարգի գործունէութեան հունաւորման մէջ։ Իր մատուցած ազգանուէր, եկեղեցաշէն ու կրթանպաստ ծառայութեանց համար արժանացած է Մեծ Տանն Կիլիկիոյ Կաթողիկոսութեան «Կիլիկեան Իշխան» շքանշանի պատիւին։

Այս տխուր առիթով, ցաւակցութիւն կը յայտնենք հանգուցեալի տիկնոջ՝ Հելէնին, զաւակներուն՝ Կրէկին, Քրիսին եւ ընտանիքներուն, քրոջ Սեդա Զուլալեանին, հարազատներուն ու բարեկամներուն։

Յուղարկաւորութեան արարողութիւնը տեղի պիտի ունենայ Շաբաթ, 30 Մարտին, կէսօրէ ետք ժամը 2-ին, Էնսինոյի Ս. Նահատակաց եկեղցւոյ մէջ, ապա թաղումը Հոլիվուտ Հիլզի «Ֆորէսթ Լոն» գերեզմանատան մէջ։

Յիշատակն արդարոյն օրհնութեամբ եղիցի։

Print Friendly, PDF & Email

ՎԵՐՋԻՆ ԼՈՒՐԵՐ

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

September 15, 2019 September 8, 2019

ԼՈՒՐԵՐՈՒ ԱՐԽԻՒ