Ազգային Թաղում՝ Վաստակաւոր Ազգային Գործիչ Յակոբ Մանճիկեանի

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, Արեւմտեան Թեմի հոգեւորականաց դասը, Կրօնական Ժողովն ու Ազգային Վարչութիւնը, խոր ցաւով կը գուժեն վաստակաշատ ազգային գործիչ Յակոբ Մանճիկեանի մահը, որ պատահեցաւ Ուրբաթ, 18 Հոկտեմբեր 2019-ին։ Պիտի կատարուի Ազգային թաղում։

Յակոբ Մանճիկեան ծառայական հարուստ վաստակ կերտած է մասնաւորաբար ազգային կուսակցական ասպարէզին մէջ։ Ցեղասպանութենէն ճողոպրած գաղափարապաշտ ընտանիքի իբրեւ անդրանիկ զաւակ, կանուխ տարիքէն անդամակցած է Հայ Յեղափոխական Դաշնակցութեան, եղած է կազմակերպիչներէն Արեւմտեան Ամերիկայի Կեդրոնական Կոմիտէին, ինչպէս նաեւ «Հայաստանի Անկախութեան Ամերիկեան յանձնախումբ»ին, այժմ Հայ Դատի Յանձնախումբ, ինչպէս նաեւ Լոս Անճելըսի Համազգայինին եւ Հ.Մ.Ը.Մ.-ին։ Մաս կազմած է նաեւ Ս. Նահատկաց Ֆերահեան երկրորդական վարժարանի հիմնադիր մարմիններուն։ Իբրեւ մտքի ու գրիչի մարդ, ամբողջ կեանքը նուիրած է իր ազգին, նախաձեռնած հրատարկութիւններ ու թարգմանութիւններ, որոնցմէ գլխաւորաբար խմբագրութիւնն ու հրատարակութիւնը «Յուշամատեան Ալպոմ Ատլաս» հատորներուն, նուիրուած Հ.Յ.Դ.-ի 100-ամեակին։ Տասնամեակներու իր նուիրեալ ծառայութեանց համար, մեծարանքի գրութիւններու կողքին, արժանացած է Մեծի Տանն Կիլիկիոյ Կաթողիկոսութեան «Ս. Մեսրոպ Մաշտոց» շքանշանի պատիւին։

Այս տխուր առիթով, ցաւակցութիւն կը յայտնենք հանգուցեալի տիկնոջ՝ Քնարին, զաւակներուն՝ Թամարին եւ ամուսնոյն, Սալբիին, Վիքթորիային, թոռներուն, ընտանեկան պարագաներուն, հարազատներուն, ընկերներուն ու բարեկամներուն։

Յուղարկաւորութեան արարողութիւնը պիտի կատարուի Շաբաթ, 2 Նոյեմբեր 2019-ին, առաւօտեան ժամը 11-ին, Էնսինոյի Ս. Նահատակաց Եկեղեցւոյ մէջ՝ 5300 White Oak Ave., Encino, ապա թաղումը Forest Լawn Hollywood Hills գերեցմանատան մէջ։

Յիշատակն արդարոյն օրհնութեամբ եղիցի։

Print Friendly, PDF & Email

ՎԵՐՋԻՆ ԼՈՒՐԵՐ

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

November 17, 2019 November 10, 2019