Ազգային Թաղում Վաստակաշատ Գործիչներ Հայկազ Թրթռեանի եւ Փրո‎Ֆ. Արա Մանաշի

Երեքշաբթի, 8 Սեպտեմբեր 2020-ին, առաւօտեան ժամը 10։‎30-ին, վաստակաւոր կրթական մշակ ու դաստիարակ, ազգային գործիչ եւ Ս. Նահատակաց Եկեղեցւոյ երեսփոխան Հայկազ Թրթռեանի ազգային թաղման կարգի արարողութիւնը տեղի պիտի ունենայ, նախագահութեամբ Հիւսիսային Ամերիկայի Արեւմտեան Թեմի Առաջնորդ Բարձր. Տ. Մուշեղ Արք. Մարտիրոսեանի։

Նոյն օրը, առաւօտեան ժամը 9։30-ին, վաստակաւոր երաժշտագէտ, հասարակական գործիչ ու Ս. Կարապետ Մայր Եկեղեցւոյ դպրաց դասի երկարամեայ խմբավար ՓրոՖ. Արա Մանաշի ազգային թաղման կարգի արարողութիւնը եւս տեղի պիտի ունենայ, Առաջնորդ Սրբազան Հօր նախագահութեամբ։

Առաջնորդ Սրբազանը նաեւ պիտի փոխանցէ Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա. Վեհափառ Հայրապետի ցաւակցութիւնները։

Թաղման կարգի արարողութիւնները պիտի կատարուին Ֆորէսթ Լոն Հոլիվուտ Հիլզ գերեզմանատան մէջ, պսակաձեւ ժահրի պաշտօնական թոյլտուութեանց եւ սահմանափակումներու հարկադրանքերու ծիրէն ներս։

Այս առիթով, անգամ մը եւս մեր աղօթքները կը բարձրացնենք առ Աստուած որ Մեծի Տանն Կիլիկիոյ Կաթողիկոսութեան «Ս. Մեսրոպ Մաշտոց» շքանշանին արժանացած հանգուցեալ նուիրեալներու հոգիները երկնային խաղաղութեան արժանացնէ եւ անոնց յիշատակը վառ պահէ մեր բոլորի կեանքին մէջ։

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ

Print Friendly, PDF & Email

ՎԵՐՋԻՆ ԼՈՒՐԵՐ

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

September 27, 2020 September 20, 2020

ԼՈՒՐԵՐՈՒ ԱՐԽԻՒ