Ծաղկազարդը՝ Թեմիս Եկեղեցիներուն Մէջ

Կիրակի, 14 Ապրիլ 2019-ին, Ս. Յարութեան տօնէն շաբաթ մը առաջ, Քրիստոնեայ աշխարհը տօնեց Ծաղկազարդը, իբրեւ խորհրդանիշ մեր Տիրոջ Յիսուս Քրսիտոսի Երուսաղէմ յաղթական մուտքին։

Այդ առաւօտուն, մեր Թեմի բոլոր եկեղեցիները ծաղկազարդուած ձիթենիի եւ արմաւենիի ճիւղերով, ողողուած էին բազմահարիւր հաւատացեալներով ու մանուկներով, յիշատակելու Ծաղկազարդը, որ նշուեցաւ հանդիսաւոր Ս. Պատարագով եւ տօնը խորհրդանշող թափօրով, որուն մասնակցեցան մոմեր բռնած մանուկները։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ս. Պատարագ մատուցանեց ու քարոզեց Էնսինոյի Ս. Նահատակաց եկեղեցւոյ մէջ։ Իր պատգամին մէջ, Առաջնորդ Սրբազանը կանգ առաւ Քրիստոսի աշխարհ առաքելութեան վերջին օրերուն տեղի ունեցած՝ Երուսաղէմ յաղթական մուտքին խորհրդանշական կարեւորութեան վրայ, կոչ ուղղելով, իբրեւ քիրստոնեաներու պատրաստ ըլլալ դիմաւորելու մեր Փրկիչը եւ մեր հոգիներուն մէջ ընդունելու Քրիստոսը։.

Ապա, շրջապատուած մանուկներով Առաջնորդ Սրբազանը գլխաւորեց աւանդական թափօրը, օրհնեց մանուկները, ծնողներն ու հաւատացեալները։ (մանրամասնութիւնները՝ հետագային)։

Print Friendly, PDF & Email

ՎԵՐՋԻՆ ԼՈՒՐԵՐ

Հիւսիսային Ամերիկայի Արեւմտեան Թեմը Կ’ողջունէ Հայոց Ցեղասպանութեան Բանաձեւին Որդեգրումը Ա.Մ.Ն. Ծերակոյտին Կողմէ

Հինգշաբթի, 13 Դեկտեմբեր 2019-ն պատմական օր եղաւ հայ ժողովուրդին համար. Ա.Մ. Նահանգներու Ծերակոյտը առաջին անգամ ըլլալով եւ միաձայնութեամբ որդեգրեց Հայոց... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

December 8, 2019 December 1, 2019