Արեւմտեան Ամերիկայի Համահայկական Խորհուրդը Կը Զօրակցի Հայաստանի Ժողովուրդին Եւ Կը Դատապարտէ Ատրպէյճանի Յարձակումը

Արեւմտեան Ամերիկայի Համահայկական խորհուրդը եւ իր անդամ կազմակերպութիւնները իրենց զօրակցութիւնը կը յայտնեն Հայաստանի ժողովուրդին եւ անոր բանակին՝ դատապարտելով Հայաստանի Հանրապետութեան սահմաններէն ներս Ատրպէյճանի բանակին կատարած յարձակումը:

Համահայկական խորհուրդը նաեւ կը դատապարտէ Հայաստանի գիւղացիներուն վրայ ատրպէյճանական յարձակումին զօրակցելու` Թուրքիոյ արտաքին գործոց նախարարութեան յայտարարութիւնը:

Թուրքիա եւ Ատրպէյճան տասնամեակներէ ի վեր կը վարեն Հայաստանը աշխարհաքաղաքականօրէն եւ տնտեսապէս մեկուսացնելու քաղաքականութիւնը եւ Հայաստանի հողային անձեռնմխելիութեան սպառնացող նորագոյն այս յարձակումը կը նկատենք Հայաստանի եւ Արցախի, ինչպէս նաեւ Հայկական Սփիւռքի խաղաղասէր ժողովուրդին կամքը ճզմելու փորձ մը:

Արեւմտեան Ամերիկայի Համահայկական խորհուրդս եւ տասնեակ հազարաւոր անդամները կը խոստանանք ամէն գնով նեցուկ կանգնիլ Հայաստանին եւ մեր հայրենիքի պաշտպանութեան գործին:

ԱՐԵՒՄՏԵԱՆ ԱՄԵՐԻԿԱՅԻ ՀԱՄԱՀԱՅԿԱԿԱՆ ԽՈՐՀՈՒՐԴ

Հայաստանեայց Առաքելական Եկեղեցի Արեւմտեան Թեմ
Առաջնորդարան Հայոց Ա.Մ. Նահանգներու Արեւմտեան Թեմ
Հիւսիսային Ամերիկայի Հայ Աւետարանական Միութիւն
Հիւսիսային Ամերիկայի Տիրամայր Նարեկի Հայ Կաթողիկէ Թեմ
Արեւմտեան Ամերիկայի Հայ Յեղափոխական Դաշնակցութիւն
Ռամկավար Ազատական Կուսակցութիւն Արեւմտեան Ամերիկայի Շրջան
Արեւմտեան Ամերիկայի Հայ Oգնութեան Միութիւն
Հայկական Բարեգործական Ընդհանուր Միութիւն, Արեւմտեան Շրջան
Ամերիկայի Հայ Աւետարանչական Ընկերակցութիւն
Հայ Մարմնակրթական Ընդհանուր Միութիւն, Արեւմտեան Նահանգներու Շրջան
Արեւմտեան Ամերիկայի Համազգային Հայ Կրթական եւ Մշակութային Միութիւն
Թէքէեան Մշակութային Միութիւն
Արեւմտեան Ամերիկայի Հայ Երիտասարդաց Դաշնակցութիւն
Միացեալ Հայ Երիտասարդներ
Արեւմտեան Ամերիկայի Հայ Դատի Յանձնախումբ
Ամերիկայի Հայկական Համագումար
Հայ Իրաւաբանական Միութիւն
Պոլսահայ Միութիւն
Լոս Անճելըսի Իրանահայ Միութիւն
Քալիֆորնիոյ Հայ Երիտասարդաց Միութիւն
Լոս Անժելեսի Իրաքահայերու Ընտանեկան Միութիւն
Քեսապի Ուսումնասիրաց Միութիւն
Ծառայողական Աշխատողներու Միջազգային Միութիւն
Հարաւային Գալիֆորնիոյ Հայ Դեմոկրատներ

Print Friendly, PDF & Email

ՎԵՐՋԻՆ ԼՈՒՐԵՐ

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

November 22, 2020 November 15, 2020