Աղօթք՝ Շարլ Ազնաւուրի Յիշատակին

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան տնօրինութեամբ, Կիրակի, 7 Հոկտեմբեր 2018-ին, մեր Թեմի բոլոր եկեղեցիներուն մէջ «Տէր Ողորմեա»ի աղօթք բարձրացուեցաւ աշխարհահռչակ երգիչ, արուեստագէտ եւ Հայաստանի ազգային հերոս Շարլ Ազնաւուրի յիշատակին։ Առաջնորդ Սրբազանը հանդիսապետեց Էնսինոյի Ս. Նահատակաց եկեղեցւոյ Ս. Պատարագին, օրուան պատգամը փոխանցեց եւ իր յարգանքի խօսքը ուղղեց Շարլ Ազնաւուրի յիշատակին։

Իր պատգամին մէջ, Առաջնորդ Սրբազանը կանգ առաւ Ազնաւուրի ծառայութեան ու վաստակին առջեւ, մասնաւորաբար վեր առնելով Հայաստանին ու մեր Դատին անոր նուիրեալ ծառայութիւնները։ «Հոկտեմբեր 1-ին, աշխարհը սգաց, ամբողջ Ֆրանսան եւ յատկապէս մեր հայրենիքը եւ հայութիւնը սգացին կորուստը նուիրեալ այս տիտանին, որ ոչ միայն երաժշտութեան ճամբով մեր ժողովուրդը ծանօթացուց աշխարհին, այլ մանաւանդ ինք, Ցեղասպանութենէն փրկուած ծնողներու զաւակ ըլլալով, իր կեանքի ամբողջ տեւողութեան հայու արդար իրաւունքը, հայուն դատը իր սրտին մէջ ունենալով, աշխատեցաւ զայն ծանօթացնել եւ մեր իրաւունքի պաշտպանութեան համար իր լաւագոյնը տուաւ։» Ան յիշեցուց, որ Շարլ Ազնաւուր Հայաստանի երկրաշարժի աղէտին առիթով, իր օժանդակութեան եւ զօրակցութեան ճամբով, շատերուն հրաւէր եղաւ եւ օրինակ դարձաւ զօրակցութեան եւ օժանդակութեան։ «Թո՛ղ Ազնաւուրի կեանքն ու աւանդը մեզ ներշնչեն որպէսզի մեր կեանքը ապրինք Աստուծոյ, հայրենիքի եւ մեր նմաններու սիրով, ու մեր բարեգործութեամբ կարենանք բարելաւել մեր շրջապատը եւ մեր շնորհքները ի սպաս դնենք Աստուծոյ, ազգին եւ մեր եկեղեցիին ծառայելով։»

Print Friendly, PDF & Email

ՎԵՐՋԻՆ ԼՈՒՐԵՐ

Յարութ Պարսամեան Ուսանողական Կրթաթոշակի Դիմումնագիրներու Ընդունում 2019-2020 Տարեշրջանին Համար

Արեւմտեան Թեմի բարեխնամ Առաջնորդ Բարձր. Տ. Մուշեղ Արք. Մարտիրոսեան, Ազգային Վարչութիւնն ու «Պարսամեան» Կրթաթոշակի Յանձնախումբը այսու կը յայտարարեն, թէ ուսումնական... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

June 16, 2019 June 9, 2019

ԼՈՒՐԵՐՈՒ ԱՐԽԻՒ