Առաջնորդ Սրբազանը Ներկայ Գտնուեցաւ Արարատ Տան Հոգաբարձութեան Ժողովին

Ընդառաջելով Արարատ Տան Հոգաբարձութեան ատենապետ Տիար Յովսէփ Կանիմեանի հրաւէրին, Հինգշաբթի, 22 Օգոստոս 2019-ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ներկայ գտնուեցաւ հոգաբարձութեան ամսական ժողովին:

Նախքան ընթացիկ նիստի գումարումը, տեղի ունեցաւ դիւանի ժողովը եւ ապա՝ ընթրիքի հիւրասիրութիւն։ Հոգաբարձութեան անդամներուն կողքին ներկայ էին հաստատութեան գլխաւոր պատասխանատու՝ Տէրիք Ղուկասեան, հիւանդանոցի բաժնի վարիչ՝ Մարկարիթա Քէշիշեան եւ Իկըլ Ռաքի հիւանդանոցի նորանշանակ վարիչ՝ Քրիսթին Կարապետեան։

Առաջնորդ Սրբազանը կատարեց բացման աղօթքը։ Տիար Կանիմեան ողջունեց Առաջնորդ Սրբազանը, ներկայացուց Իկըլ Ռաքի նոր վարիչը եւ երախտագիտութիւն յայտնեց Առաջնորդ Սրբազան Հօր իր անմիջական հոգատարութեան համար։

Առաջնորդ Սրբազանը իր օրհնութիւններն ու գնահատանքը փոխանցեց բոլորին՝ իրենց անսակարկ ծառայութեան եւ մեր տարեցներուն հանդէպ ցուցաբերած ջերմ վերաբերմունքին համար, նշելով, որ ան 1982-էն սկսեալ՝ Արեւմտեան Թեմէն ներս իր ծառայութեան առաջին իսկ օրերէն, մօտ զգացած է Արարատ Տան եւ անոր ազգանուէր ծառայութեան։ Ան շնորհակալութիւն յայտնեց Ատենապետին հրաւէրին համար, շնորհաւորեց Տիկին Կարապետեանը եւ յաջողութիւն մաղթեց իրենց աստուածահաճոյ առաքելութեան մէջ։

Print Friendly, PDF & Email

ՎԵՐՋԻՆ ԼՈՒՐԵՐ

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 13, 2019 October 6, 2019

ԼՈՒՐԵՐՈՒ ԱՐԽԻՒ