Առաջնորդ Սրբազանը Ներկայ Եղաւ ՀՕՄ-ի Հովանաւորած «Արարատ Տան» Ամսական Ճաշկերոյթին

«Արարատ Տան» Տիկնանց Օժանդակ Մարմինը իւրաքանչիւր ամսուան առաջին Երեքշաբթի օր ճաշկերոյթ կը կազմակերպէ հաստատութեան «Տէօքմէճեան» սրահին մէջ։ Ըստ աւանդութեան, Յունիս ամսուան ճաշկերոյթը կը հիւրընկալէ ՀՕՄ-ի Արեւմտեան Միացեալ Նահանգներու Շրջանային վարչութիւնը, մասնակցութեամբ ՀՕՄ-ի մասնաճիւղերու։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ներկայ եղաւ ճաշկերոյթին, որ տեղի ունեցաւ 4 Յունիս 2019-ին, կատարեց բացման աղօթքը եւ փոխանցեց իր օրհնութեան խօսքը։ Առաջնորդ Սրբազանին կþընկերանար Արժ. Տ. Ռազմիկ Աւ. Քհնյ. Խաչատուրեան։

Առաջնորդ Սրբազանը գնահատեց եւ օրհնեց «Արարատ Տան» հոգաբարձութիւնը, տնօրէնութիւնը, պաշտօնէութիւնն ու կամաւոր ծառայողները, իրենց ցուցաբերած հոգածութեան՝ հանդէպ մեր սիրելի տարեցներուն, ինչպէս նաեւ ՀՕՄ-ի ժրաջան անդամուհիներուն, Հայաստանի, Արցախի թէ Սփիւռքի ամբողջ տարածքին մեր հայրենակիցներուն նկատմամբ իրենց մատուցած ծառայութիւններուն համար, մաղթելով յարատեւ յաջողութիւն այս օրինակելի կազմակերպութիւններուն առաքելութեան եւ աշխարհատարած գործունէութեան։

Խօսք առին նաեւ ՀՕՄ-ի Շրջանային Վարչութեան ատենապետուհի Տիկին Սիլվա Փոլատեան եւ Արարատ Տան Հոգաբարձութեան ատենապետ Տիար Յովսէփ Կանիմեան։

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 18, 2019 August 11, 2019

ԼՈՒՐԵՐՈՒ ԱՐԽԻՒ