Առաջնորդ Սրբազան Մասնակցեցաւ Եկեղեցիներու Համաշխարհային Խորհուրդի Ընդհանուր Քարտուղարի Ի Պատիւ Ընդունելութեան

Եկեղեցիներու Համաշխարհային Խորհուրդի Ընդհանուր Քարտուղար Պատուելի Դոկտ. Օլավ Թվայթի Լոս Անճելըս այցելութեան առիթով, Երեքշաբթի, 2 եւ Չորեքշաբթի, 3 Ապրիլ 2019-ին, երկու ձեռնարկներ տեղի ունեցան, Լոս Անճելըսի հոգեւոր առաջնորդներուն եւ Քրիստոնեայ համայնքին առիթ ընծայելով հանդիպելու եւ ծանօթանալու ընդհանուր քարտուղարին հետ։

Լոս Անճելըսի Կաթողիկէ Առաջնորդարանի միջ-եկեղեցական եւ միջ-կրօնական բաժանմունքի վարիչ Հայր Ալեքսի Սմիթի հրաւէրով, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան մասնակցեցաւ Դոկտ. Թվայթի հետ ընդունելութեան-հանդիպումին, որ տեղի ունեցաւ Չորեքշաբթի, 3 Ապրիլին, Հոլիվուտի Մեթոտական Միացեալ եկեղեցւոյ մէջ։ Հանդիպումը կազմակերպուած էր Հարաւային Քալիֆորնիոյ Քրիստոնէական Խորհուրդին կողմէ, գործակցութեամբ վերոնշեալ եկեղեցւոյ։ Դոկտ. Թվայթ խօսեցաւ Եկեղեցիներու Համաշխարհային Խորհուրդի գործունէութեան, ծրագիրներու եւ հեռանկարներու մասին։ Խօսքի աւարտին, առիթ տրուեցաւ հարցումներու։

Իսկ, Երեքշաբթի, 2 Ապրիլի երեկոյեան, Դոկտ. Թվայթ դասախօսեց Լոյոլա Մէրիմաունթ համալսարանի Հաֆինկթըն միջ-եկեղեցական կեդրոնին մէջ։ Յանուն Առաջնորդ Սրբազան Հօր, ձեռնարկին ներկայ եղաւ Արժ. Տ. Մոսվէս Քհնյ. Շաննագեան։ Դասախօսութեան նիւթն էր 2021-ին տեղի ունենալիք Եկեղեցիներու Համաշխարհային Խորհուրդի խորհրդաժողովի թեման՝ «Քրիստոսի սէրը աշխարհը կ’առաջնորդէ դէպի հաշտութիւն եւ միութիւն»։ Դասախօսութեան յաջորդեց հարցազրոյց մը Պատուելի Թվայթի, Եկեղեցիներու Համաշխարհային Խորհուրդի փոխ ատենապետ Մերի Ան Եպիսկոպոս Սուէնսընի, Մայքըլ Հաֆինկթընի եւ Հայր Ալեքսի Սմիթի հետ։

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 18, 2019 August 11, 2019

ԼՈՒՐԵՐՈՒ ԱՐԽԻՒ