Առաջնորդ Սրբազանը կը Շնորհաւորէ Ազգ. Վարժարաններու Շրջանաւարտները

Ուսումնական 2019-2020 տարեշրջանը շուտով կը հասնի իր աւարտին։ Այս տարի, երկրէն ներս ստեղծուած աննախընթաց պայմաններու պատճառաւ, առաջին անգամ ըլլալով աւանդական վկայականաց բաշխման պաշտօնական հանդիսութիւնները տեղի պիտի չունենան։ Այս առթիւ, Առաջնորդ Սրբազանը, հոգեւորականաց դասու անդամները, Կրօնական Ժողովն ու Ազգ. Վարչութիւնը, Ազգ. Վարժարաններու Խնամակալ Մարմինը ինչպէս նաեւ Թեմիս եկեղեցիներու եւ վարժարաններու պատկան մարմինները, իրենց օրհնանքն ու շնորհաւորանքը կը փոխանցեն 2020-ի բոլոր շրջանաւարտներուն։ Իսկ երկրորդական վարժարաններէ շրջանաւարտ մեր աշակերտներուն կը մաղթեն նպատակասլաց թռիչք դէպի լուսաշող ու պայծառ ապագայ, նուաճելու ուսումնական բարձրագոյն կաճառներ եւ ուսումնական նորանոր բարձունքներ, մի՛շտ պատրաստ՝ ծառայելու ազգին ու Հայրենիքին։

Պատի՛ւ բոլոր շրջանաւարտներուն եւ իրենց ծնողներուն, որոնց բազում զոհաբերումներուն շնորհիւ, մեր աշակերտները աննախընթաց ու դժուարագոյն այս պայմաններուն մէջ առցանց, շարունակեցին հետեւիլ ամէնօրեայ դասընթացքներուն, անխափան պահելով իրենց ուսումնառութեան վերջին տարին հայ կրթօճախէն, հայեցի դաստիարակութիւն եւ բարձրագոյն ուսում ստացան, հասնելով իրենց գերագոյն երազին։

Վարձքը կատա՜ր Ազգ. Վարժարաններու Խնամակալ Մարմնին, տնօրէններուն, վարիչներուն ու դաստիարակներուն, որոնց ցանած սերմերը ատոք հասկերու վերածուած կը նետուին կեանքի ասպարէզ, զինուած՝ վճռակամութեամբ եւ հաւատքով, իրենց նպատակներու իրագործման ի խնդիր։

Այս առթիւ, Առաջնորդ Սրբազանը իր օրհնութիւններն ու շնորհաւորական մաղթանքները ուղղեց մեր վարժարաններուն եւ շրջանաւարտներուն։

Print Friendly, PDF & Email

ՎԵՐՋԻՆ ԼՈՒՐԵՐ

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 9, 2020 August 2, 2020

ԼՈՒՐԵՐՈՒ ԱՐԽԻՒ