Նոր Տարուան եւ Ս. Ծննդեան Նախօրեակին Առաջնորդ Սրբազանը Այցելեց Ազգ. Մեսրոպեան Վարժարան


Հինգշաբթի, 18 Դեկտեմբեր 2014ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան այցելեց Մոնթեպելլոյի Մեսրոպեան Ազգ. Վարժարանը Նոր Տարուան ու Ս. Ծննդեան իր բարեմաղթութիւնները փոխանցելու տնօրէնութեան, ուսուցչական կազմին ու աշակերտութեան։ Սրբազանին կ’ընկերանային Ս. Խաչ Մայր Տաճարի հոգեւոր տեսուչ Գերպ. Տ. Միւռոն Ծ. Վրդ. Ազնիկեան եւ հոգեւոր հովիւ Արժ. Տ. Աշոտ Քհնյ. Գամպուրեան։ Ներկայ էին նաեւ Թեմիս հոգեւորականաց դասու երէց անդամներէն Արժ. Տ. Նարեկ Աւ. Քհնյ. Շրիքեան եւ բարերարներ Գոհարիկ Կապրիէլ եւ Զապէլ Իգնատոսեան։

Առաջնորդ Սրբազանը եւ ընկերացող եկեղեցականները դպրոցի մուտքին դիմաւորուեցան վարժարանի տնօրէն՝ Տիար Դաւիթ Ղուկասեանի եւ ուսուցչական կազմի անդամներու կողմէ, ուր Սրբազան Հայրը կատարեց աղի ու հացի օրհնութիւն։

Ռան եւ Գոհարիկ Կապրիէլ Մանկամսուրի այցելութենէն ետք, վարժարանի սրահին մէջ, Առաջնորդ Սրբազանը աշակերտներուն կողմէ հիւրընկալուեցաւ Ամանորի ու Ս. Ծննդեան տօնական գեղարուեստական գեղեցիկ յայտագիրով մը։ Տ. Նարեկ Աւ. Քհնյ. Շրիքեան սրտառուչ կերպով փոխանցեց պատմական եւ անձնական վկայութիւն մը։ Մեսրոպեան Վարժարանի պաշտօնէութեան ու աշակերտութեան կողմէ ողջոյնի խօսք արտասանեց Պրն. տնօրէնը, որուն ընթացքին ան շնորհակալութիւն յայտնեց Առաջնորդ Սրբազան Հօր իր այցելութեան եւ յարատեւ հոգածութեան համար։ Աւարտին, Առաջնորդ Սրբազանը գնահատեց յայտագիրը, կրկին անգամ շնորհաւորեց զոյգ տօնական առիթները, ինչպէս նաեւ իր իւրայատուկ պատգամը փոխանցեց Ցեղասպանութեան 100-ամեակի սեմին։ Սրբազան Հայրը բոլորին մաղթեց առողջութիւն եւ երջանկութիւն, իսկ Մեսրոպեան Վարժարանին՝ բարեբեր ու բեղուն տարի մը։ Ապա, Առաջնորդ Սրբազանը եւ ընկերակիցները Տնօրէնութեան ճաշի հիւրը եղան։

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 18, 2019 August 11, 2019

ԼՈՒՐԵՐՈՒ ԱՐԽԻՒ