Առաջնորդ Սրբազանը Ցաւակցութիւն Յայտնեց Մարոնիթ Պատրիարք Կարտինալ Մար Նասրալլա Պութրոս Սֆէյրի Մահուան Առթիւ

Կիրակի, 12 Մայիս, 2019-ին, Մարոնիթ համայնքը աշխարհով մէկ սգաց կորուստը նախկին պատրիարք Կարտինալ Մար Նասրալլա Պութրոս Սֆէյրի, որ իր յաւիտենական հանգիստը գտաւ 98 տարեկանին։

Յուղարկաւորութեան արարողութիւնը տեղի ունեցաւ Հինգշաբթի 16 Մայիսին, ներկայութեամբ Լիբանանի եւ տարբեր երկիրներէն ժամանած հոգեւոր եւ քաղաքական առաջնորդներու եւ հազարաւոր հաւատացեալներու։ Ս. Աթոռոյս գահակալ Ն.Ս.Օ.Տ.Տ. Արամ Ա. Կաթողիկոս ներկայ գտնուեցաւ թաղման արարողութեան եւ իր ցաւակցութիւնը յայտնեց Մարոնիթ Եկեղեցւոյ պատրիարք Մար Պշարա Պութրոս Րայիին։

Յանուն Արեւմտեան մեր Թեմի մեծ ընտանիքին, Թեմիս բարեջան Առաջնորդ Բարձր. Տ. Մուշեղ Արք. Մարտիրոսեան ցաւակցագիր մը յղեց Արեւմտեան Միացեալ Նահանգներու Մարոնիթ առաջնորդ՝ Ապտալլա Իլիաս Եպս. Զէյտանի, յիշելով վախճանեալ Կարտինալը որպէս նուիրեալ, խոնարհ եւ հաւատարիմ ծառայ Աստուծոյ, անզուգական առաջնորդ մը որ ծառայեց ամբողջական հաւատքով, նուիրումով եւ յանդգնութեամբ Լիբանանի արդի պատմութեան տագնապալից տարիներուն, եւ անկախութեան, խաղաղութեան եւ գոյակցութեան խորհրդանիշ։

Յիշատակն արդարոյն օրհնութեամբ եղիցի։

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 18, 2019 August 11, 2019

ԼՈՒՐԵՐՈՒ ԱՐԽԻՒ