Համազգայինի “Անի” Պարախումբի 40ամեակին Առաջնորդ Սրբազանը Հայրապետական Կոնդակով եւ “Ս. Մեսրոպ Մաշտոց”ի Շքանշանով Պարգեւատրեց Պարուսոյցները


Համազգայինի “Անի” պարախումբը այս տարի կը տօնէ իր հիմնադրութեան 40-ամեակը։ Շաբաթ, 13 Դեկտեմբեր 2014ի երեկոյեան, պարախումբի 40ամեակին նուիրուած հանդիսութիւնը տեղի ունեցաւ Glendale High School-ի “John Wayne Performing Arts Center”ի մէջ։

Թեմիս Բարեխնամ Առաջնորդ Բարձր. Տ. Մուշեղ Արք. Մարտիրոսեան ներկայ եղաւ ձեռնարկին եւ փոխանցեց իր շնորհաւորանքի խօսքն ու օրհնութիւնները։ Առաջնորդ Սրբազան Հօր կ’ընկերանար Հոգշ. Տ. Պօղոս Աբղ. Թինքճեան:

Ազգային եւ մշակութային ժառանգութիւններու բացառիկ մեկնաբանութեամբ, հայ երիտասարդներ եւ երիտասարդուհիներ, իրենց պարերուն մէջ ամփոփեցին ու ներկայ բոլոր հանդիսատես սերունդներու զաւակներուն ներկայացուցին ամբողջ Հայոց պատմութեան փոխանցած արժէքները:

Պարային ներկայացման աւարտին, Առաջնորդ Սրբազանը բեմ հրաւիրուեցաւ, արտասանելու իր օրհնութեան խօսքը: Ան գնահատեց “Անի” պարախումբի ներկայի ու անցեալի բոլոր պարուսոյցները, պարողները եւ բեմի ետին գործող բոլոր ծառայողները, ինչպէս նաեւ զանոնք քաջալերող եւ յարատեւելու ներշնչում տածող հանդիսականները: Երկու վաստակաշատ պարուսոյցներուն՝ Տիար Եղիա Հաշօլեանի եւ Տիկին Սիւզի Բարսեղեան-Դարբինեանի գործունէութեան մօտէն ծանօթ ըլլալով, Սրբազան Հայրը իր անձնական վկայութեամբ հաստատեց, թէ անոնք ազգապահպան եւ հայրենասիրական աշխատանք կատարած են տասնեակ տարիներէ ի վեր:

Առաջնորդ Սրբազանը յայտնեց, որ խնդրամատոյց եղած է Ս. Աթոռոյս գահակալ՝ Ն.Ս.Օ.Տ.Տ. Արամ Ա. Կաթողիկոսին, որ ընդառաջելով՝ իր սրբատառ կոնդակով “Ս. Մեսրոպ Մաշտոց”ի շքանշանը կը շնորհէ պարուսոյցներուն: Ան ընթերցեց կոնդակները, եւ յանուն Վեհափառ Հայրապետին, արուեստագէտները պարգեւատրեց շքանշաններով: Առաջնորդ Սրբազանը իր կողմէ Օրհնութեան Գիր մը շնորհեց նաեւ պարախումբի տարազներու ձեւաւորման պատասխանատու Տիկ. Ճէյն Հաշօլեանի, գնահատելով անոր տարիներու վաստակը:

Ներկայ հանդիսատեսները յոտնկայս ծափահարութիւններով իրենց գնահատանքը յայտնեցին ամբողջ պարախումբին եւ անցեալի ու ներկայի բոլոր անդամներուն, իրենց կատարած ազգայնաշունչ արուեստին համար:

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 18, 2019 August 11, 2019

ԼՈՒՐԵՐՈՒ ԱՐԽԻՒ