Առաջնորդ Սրբազանը Այցելեց Արեւելեան Թեմի Ազգ. Առաջնորդարանը

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Չորեքշաբթի, 12 Դեկտեմբեր 2018-ին, Արեւելեան Թեմի Ազգային Առաջնորդարանին մէջ, Նիւ Եորք, հանդիպում մը ունեցաւ Թեմի նորընտիր Առաջնորդ Բարձր. Տ. Անուշաւան Արք. Դանիէլեանի եւ անձնակազմի անդամներու հետ։ Առաջնորդ Սրբազանին կ’ընկերանար մեր Թեմի բարերարներէն Տէր եւ Տիկին Ֆիլիփ եւ Ֆլորընս Փառնակեան ամոլը։

Առաջնորդ Սրբազանը շնորհաւորեց Անուշաւան Սրբազանը՝ թեմակալ Առաջնորդ իր ընտրութեան եւ արքեպիսկոպոսական աստիճանի ստացման զոյգ առիթներով ու բարի երթ մաղթեց իր ծառայական առաքելութեան մէջ։ Նշենք, որ Առաջնորդ Սրբազանը օրին շնորհաւորական նամակ մը յղած էր Անուշաւան Սրբազանին։ Հանդիպումը առիթ եղաւ խորհրդակցելու երկու Թեմերուն միջեւ գործակցութիւնը աւելի եւս զարգացնելու միջոցներու ու ծրագիրներու շուրջ։

Print Friendly, PDF & Email

ՎԵՐՋԻՆ ԼՈՒՐԵՐ

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

November 22, 2020 November 15, 2020