Առաջնորդ Սրբազանը Ընդունեց Լիբանանի Նոր Նշանակեալ Գլխաւոր Հիւպատոսին Այցելութիւնը

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ուրբաթ, 9 Մարտ 2018-ի առաւօտուն, Ազգային Առաջնորդարանի իր գրասենեակին մէջ ընդունեց Լոս Անճելըսի մէջ Լիբանանի նոր նշանակեալ գլխաւոր հիւպատոսին՝ Տիկին Միռնա Խաուլիի այցելութիւնը։ Առաջնորդ Սրբազանին կողքին էր Առաջնորդական փոխանորդ Գերպ. Տ. Թորգոմ Ծ. Վրդ. Տօնոյեան, իսկ գլխաւոր հիւպատոսին կ’ընկերանար հիւպատոսարանի խորհրդատու մարմինի անդամ Տիար Թորոս Քէչէճեան։

Նկատի ունենալով, որ գլխաւոր հիւպատոսը առաջին այցելութիւնը կու տար Ազգ. Առաջնորդարան, տեղի ունեցաւ փոխադարձ ծանօթացում. նշենք, որ Տիկին Խաուլիի Լոս Անճելըս ժամանումին առիթով, Առաջնորդ Սրբազանը օրին շնորհաւորական նամակ մը յղած էր անոր։ Առաջնորդ Սրբազանը ողջունեց լիբանանցի դիւանագէտին Ազգ. Առաջնորդարան ներկայութիւնը, անգամ մը եւս շնորհաւորեց անոր նշանակումը եւ բարի երթ մաղթեց անոր առաքելութեան, ապա ընդհանուր գիծերու մէջ ծանօթութիւններ տուաւ Առաջնորդարանիս ծառայական կեանքին մասին, շեշտելով, որ անցեալ տասնամեակներուն, ու իրերայաջորդ հիւպատոսներու պաշտօնավարութեան ընթացքին, Ազգ. Առաջնորդարանս միշտ ալ բարեկամական կապեր ու սերտ գործակցութիւն ունեցած է հիւպատոսութեան հետ. ան վստահութիւն յայտնեց, որ յառաջիկային եւս, նոյն ընթացքը պիտի շարունակուի։

Տիկին Խաուլի շնորհակալութիւն յայտնեց ընդունելութեան համար, դրուատիքով խօսեցաւ Լոս Անճելըսի հայութեան ու կազմակերպ դրութեան մասին եւ հաւաստեց, որ բարեկամական յարաբերութիւնները պիտի շարունակուին նոյն ընթացքով։

Խորհրդակցութիւնները ընդգրկեցին նաեւ Լիբանանի մէջ Մայիսին նախատեսուած խորհրդարանական ընտրութեանց եւ ամերիկաբնակ լիբանանցիներու քուէարկութեան մասնակցութեան հարցերը։

Հրաժլշտի պահուն, Առաջնորդ Սրբազանը լիբանանցի դիւանագէտին յանձնեց յուշանուէր մը։

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 18, 2019 August 11, 2019

ԼՈՒՐԵՐՈՒ ԱՐԽԻՒ