Առաջնորդ Սրբզանը Ընդունեց Հայաստանի Արտաքին Գործոց Նախարարութեան Գլխաւոր Քարտուղարին Այցելութիւնը

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Երեքշաբթի, 27 Նոյեմբեր 2018-ի առաւօտուն, Ազգային Առաջնորդարանին մէջ հիւրընկալեց Հայաստանի արտաքին գործոց նախարարութեան գլխաւոր քարտուղար Տիար Վահագն Մելիքեանը, որուն կ’ընկերանար Լոս Անճելըսի մէջ Հայաստանի գլխաւոր հիւպատոս Տիար Արմէն Բայբուրդեան։ Հանդիպումին ներկայ եղաւ Ազգային Վարչութեան ատենապետ Տիար Կարօ Էշկիեան։

Հայրենի հիւրը իր գոհուկանութիւնը յայտնեց Ազգ. Առաջնորդարան առաջին այցելութեան առթիւ, բարձր գնահատելով Առաջնորդ Սրբազանին եւ Ազգ. Առաջնորդարանին գործունէութիւնը։ Առաջնորդ Սրբազանը ողջունեց հայրենի հիւրին ներկայութիւնը Ազգային Առաջնորդարանի յարկին տակ եւ, նկատի ունենալով, որ անոր առաջին այցելութիւնն էր՝ ընդհանուր գիծերու մէջ բացատրութիւն տուաւ Ազգի Տան յարկին ու հովանիին տակ տարուող ժողովրդանուէր ծառայութիւններուն մասին, նշելով, որ մեր եկեղեցիներն ու ազգային վարժարանները հաւասարապէս նուիրուած են նաեւ մայր հայրենիքին՝ Հայաստանին ու Արցախին։ Իր կարգին, Ազգ. Վարչութեան ատենապետը բարեմաղթութիւններ փոխանցեց։

Խորհրդակցութիւնները ընդգրկեցին Հայաստանի այժմու զարգացումներն ու դիմագրաւած հարցերը եւ ապագայի ծրագիրները։

Հրաժեշտի պահուն, տեղի ունեցաւ յուշանուէրներու փոխանակում, ապա, հիւր պաշտօնատարը ծանօթացաւ Ազգային Առաջնորդարանի կարգ մը բաժանմունքներուն։

Print Friendly, PDF & Email

ՎԵՐՋԻՆ ԼՈՒՐԵՐ

Յարութ Պարսամեան Ուսանողական Կրթաթոշակի Դիմումնագիրներու Ընդունում 2019-2020 Տարեշրջանին Համար

Արեւմտեան Թեմի բարեխնամ Առաջնորդ Բարձր. Տ. Մուշեղ Արք. Մարտիրոսեան, Ազգային Վարչութիւնն ու «Պարսամեան» Կրթաթոշակի Յանձնախումբը այսու կը յայտարարեն, թէ ուսումնական... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

June 16, 2019 June 9, 2019

ԼՈՒՐԵՐՈՒ ԱՐԽԻՒ