Առաջնորդ Սրբազանը Ընդունեց Հալէպահայ Ազգայիններու Այցելութիւնը


Չորեքշաբթի, 26 Նոյեմբեր 2014ի երեկոյեան, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ազգային Առաջնորդարանի “Սիւլահեան” դահլիճին մէջ ընդունեց այցելութիւնը խումբ մը հալէպահայ ազգայիններու, որոնք Լոս Անճելըս հաստատուած են վերջին շրջանին, Հալէպին ու ընդհանրապէս Սուրիոյ վիճակուած ահաւոր տագնապին հետեւանքով: Հանդիպումին ներկայ էին Ազգ. Վարչութեան փոխ-ատենապետ Դոկտ. Տիգրան Պապիկեան եւ գանձապահ Տիար Մհեր Տէր Տէր Յովհաննէսեան։

Հալէպահայ ազգայինները եկած էին Առաջնորդ Սրբազանը տեղեակ պահելու, թէ Հալէպի քաղցր օրերու յուշերով եւ խաղաղութեան վերահաստատման ու գաղութի վերականգնումի յոյսերով, Լոս Անճելըսի շրջանի հայ կեդրոններէն ներս կը կազմակերպեն ընկերային հաւաքներ, որոնց ճամբով օժանդակութիւններ կþապահովեն Հալէպի մէջ տոկացող հայութեան: Անոնք հրաւէր ուղղեցին Առաջնորդ Սրբազանին, որ ներկայ ըլլայ յառաջիկայ հաւաքներուն եւ օրհնէ իրենց գործունէութիւնը:

Առաջնորդ Սրբազանը գնահատեց ազգայիններուն նախանձախնդիր ու կարեկից մօտեցումը, պատրաստակամութիւն յայտնեց ընդառաջելու հրաւէրին եւ մաղթեց, որ անոնց նուիրաբերումը ծառայէ ճշդուած նպատակին, իսկ Սուրիան ու Հալէպը վերագտնեն բնականոն վիճակը:

Հանդիպումի աւարտին, Առաջնորդ Սրբազանը յուշանուէրներ փոխանցեց հիւրերուն։

Print Friendly, PDF & Email

ՎԵՐՋԻՆ ԼՈՒՐԵՐ

Հիւսիսային Ամերիկայի Արեւմտեան Թեմը Կ’ողջունէ Հայոց Ցեղասպանութեան Բանաձեւին Որդեգրումը Ա.Մ.Ն. Ծերակոյտին Կողմէ

Հինգշաբթի, 13 Դեկտեմբեր 2019-ն պատմական օր եղաւ հայ ժողովուրդին համար. Ա.Մ. Նահանգներու Ծերակոյտը առաջին անգամ ըլլալով եւ միաձայնութեամբ որդեգրեց Հայոց... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

December 8, 2019 December 1, 2019