Թելեթոնի Նախօրեակին Ընդունելութիւն Հայաստանի Լոս Անճելըսի Հիւպատոսարանին Մէջ

Հայաստան Համահայկական Հիմնադրամի թելեթոնին նախօրեակին, Լոս Անճելըսի մէջ Հայաստանի հիւպատոսարանը Չորեքշաբթի, 21 Նոյեմբեր 2018-ի երեկոյեան պաշտօնական ընդունելութիւն մը կազմակերպած էր ի պատիւ Արցախի նախագահ Բակօ Սահակեանի, թեմակալ Առաջնորդ Գերշ. Տ. Պարգեւ Արք. Մարտիրոսեանի եւ անոնց ընկերացող պատուիրակութեան։ Ներկայ էր Միացեալ Նահանգներու մօտ Հայաստանի նոր նշանակեալ դեսպան Վարուժան Ներսիսեան։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ներկայ եղաւ ընդունելութեան։ Ներկայ էին հոգեւոր առաջնորդներ եւ գաղութի կազմակերպութեանց ու միութեանց ներկայացուցիչներ։

Ներկաներուն ողջոյնի խօսք արտասանեց գլխաւոր հիւպատոս Տիար Արմէն Բայբուրդեան։ Սրտի խօսքեր արտասանեցին Արցախի թեմակալ Առաջնորդը, Հիմնադրամի վարիչ տնօրէն Տիար Հայկակ Արշամեան, դեսպան Վարուժան Ներսիսեան եւ Արցախի Նախագահը, որոնք խօսեցան թելեթոնին ճամբով Արցախի ծրագիրներուն իրականացման մէջ ողջ հայութեան ներդրումի կարեւորութեան մասին։

Առաջնորդ Սրբազանը արտասանեց փակման խօսքը եւ աղօթք բարձրացուց Հիմնադրամի ծրագիրներուն յաջողութեան ու հայրենիքի ամրապնդման համար։

Ծանօթ է որ այս տարուան թելեթոնին ճամբով գոյացաւ աւելի քան 11 միլիոն տոլար, որ առաւելաբար պիտի յատկացուի Արցախի մէջ ոռոգումի ծրագիրներու։

Print Friendly, PDF & Email

ՎԵՐՋԻՆ ԼՈՒՐԵՐ

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 13, 2019 October 6, 2019

ԼՈՒՐԵՐՈՒ ԱՐԽԻՒ