Արցախի Նահատակներու Յիշատակի Օր Եւ Հոգեհանգիստ

Հայաստանի Հանրապետութեան վսեմաշուք նախագահ Արմէն Սարգսեան Ուրբաթ, 13 Նոյեմբեր 2020ին հեռաձայնային խորհրդակցութիւն ունեցաւ Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա․ Վեհափառ Հայրապետի եւ Ամենայն Հայոց Կաթողիկոս Ն.Ս.Օ.Տ.Տ. Գարեգին Բ. Վեհափառ Հայրապետի հետ, ապա իբրեւ արդիւնք հրապարակուեցաւ միացեալ որոշում, որուն հիմամբ 22 Նոյեմբեր 2020ը կը յայտարարուի «Արցախեան ազատամարտի ընթացքին հայրենիքի պաշտպանութեան համար նահատակուած հերոսներու յիշատակի օր»:

Մեկնած այս որոշումէն, Միացեալ Նահանգներու Արեւմտեան Թեմի Առաջնորդ Գերշ. Տ. Թորգոմ Ս. Եպս. Տօնոյեանի տնօրինմամբ Կիրակի, 22 Նոյեմբերին, Թեմիս բոլոր եկեղեցիներուն մէջ, յաւարտ Ս. Եւ Անմահ Պատարագի Հոգեհանգստեան յատուկ արարողութիւն պիտի կատարուի՝ վասն հայ նահատակներու հոգիի խաղաղութեան եւ «Տէր Ողորմեա» երգուի՝ Հայաստան-Արցախ աշխարհի եւ հայ ժողովուրդի անսասանութեան համար:

Յայտնենք, որ Առաջնորդ Սրբազանը այս Կիրակի պիտի նախագահէ Կլենտէյլի Ս. Աստուածածին եկեղեցւոյ Պատարագին եւ այս առիթով փոխանցէ իր հոգեւոր պատգամը:

Յիշեցնենք, որ մեր հաւատացեալները Կիրակնօրեայ Պատարագին կրնան հետեւիլ առցանց եւ Առաջնորդարանի ու մեր եկեղեցիներու դիմատետրային կայքէջերուն միջոցով (www.westernprelacy.org, Facebook, Instagram):

Print Friendly, PDF & Email

ՎԵՐՋԻՆ ԼՈՒՐԵՐ

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

November 22, 2020 November 15, 2020