Փասատինայի Ս. Սարգիս Եկեղեցւոյ Տարեկան Ճաշկերոյթ

Շաբաթ, 9 Նոյեմբեր 2018-ի երեկոյեան, Փասատինայի Հայ Կեդրոնի սրահին մէջ տեղի ունեցաւ Ս. Սարգիս եկեղեցւոյ տարեկան ճաշկերոյթ-պարահանդէսը։ Երեկոն կը վայելէր Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի հովանաւորութիւնը եւ կազմակերպուած էր հոգեւոր հովիւին՝ Արժ. Տ. Պօղոս Քհնյ. Պալթայեանի ու հոգաբարձութեան կողմէ։ Յանուն Առաջնորդ Սրբազան Հօր, ձեռնարկին ներկայ եղաւ Առաջնորդական փոխանորդ Գերշ. Տ. Թորգոմ Եպս. Տօնոյեան։ Ներկայ էին նաեւ Ազգային Վարչութեան անդամներէն Տիար Աւօ Քէշիշեան, Հ.Յ.Դ. «Լեռնավայր» կոմիտէի եւ քոյր միութեանց ներկայացուցիչներ, բարերարներ ու բարեկամներ։

Ողջոյնի եւ հոգաբարձութեան խօսքը արտասանեց ու հանդիսավարութիւնը կատարեց հոգաբարձութեան ատենապետ Տիար Գօգօ Փանոսեան։ Ան հակիրճ կերպով անդրադարձաւ հոգաբարձութեան աշխատանքներուն, ներկայացուց օրուան գլխաւոր հովանաւորը՝ Տէր եւ Տիկին Հրաչ եւ Լենա Գուլաճեան ամոլը։

Տ. Պօղոս Քահանայ կատարեց սեղաններու օրհնութիւնը։ Բեմ հրաւիրուեցաւ Առաջնորդական փոխանորդը, որ ներկաներուն փոխանցեց Առաջնորդ Սրբազան Հօր ողջոյններն ու բարի մաղթանքները, ապա գնահատանքի խօսք ուղղեց Հոգեւոր Հովիւին, Հոգաբարձութեան, Տիկնանց Միութեան եւ կազմակերպիչ յանձնախումբին։ Սրբազան Հայրը դրուատիքով արտայայտուեցաւ Փասատինայի հայ գաղութին մասին եւ շնորհաւորեց ծխական համայնքը՝ հիմնադրութեան 33-րդ եւ Ս. Սարգիս եկեղեցւոյ օծման 13-րդ տարեդարձներուն առիթով։

Պաշտօնական յայտագիրի աւարտին, երեկոն շարունակուեցաւ խրախճանքով։

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 18, 2019 August 11, 2019

ԼՈՒՐԵՐՈՒ ԱՐԽԻՒ