Ազգ. Լ. եւ Յ. Թաւլեան Մանկամսուր-Մանկապարտէզի Աշակերտներու Տարեկան Ս. Զատկուան Այցելութիւնը Ազգ. Առաջնորդարան

Հինգշաբթի 11 Ապրիլ 2019-ին, Ս. Յարութեան տօնի նախօրեակին, Փասատինայի Ազգ. Լեւոն եւ Յասմիկ Թաւլեան մանկամսուրի աշակերտները այցելեցին Ազգ. Առաջնորդարան, ուր հիւրընկալուեցան Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանին կողմէ, կողքին ունենալով Փասատինայի Ս. Սարգիս եկեղեցւոյ հոգեւոր հովիւ Արժ. Տ. Պօղոս Քհնյ. Պալթայեան եւ Արժ. Տ. Նարեկ Աւ. Քհնյ.
Փեհլիվանեան։ Աշակերտներուն կ՛ընկերանային վարժարանի վարիչուհին՝ Տիկ. Կարին Չուքատարեան եւ ուսուցիչներ։

«Ս. Տրդատ եւ Ս. Աշխէն» մատրան մէջ տեղի ունեցաւ աղօթքի պահ մը՝ «Հայր Մեր»ի եւ Արեւագալի շարականի երգեցողութեամբ, ապա, «Տիգրան եւ Զարուհի Տէր Ղազարեան» սրահին մէջ աշակերտները ելոյթ ունեցան Գարնան եւ Ս. Զատկուան նուիրուած երգերով ու արտասանութիւններով։ Անոնք Առաջնորդ Սրբազան Հօր յանձնեցին իրենց պատրաստած անակնկալ նուէրը՝ Յովհաննէս Թումանեանին ծննդեան 150-ամեակին նուիրուած ալպոմ մը, որ կը պատկերէր Թումանեանի իւրաքանչիւր հեքիաթին գծագիրը։

Աշակերտներուն հետ մտերմիկ զրոյցներ ունենալով, Առաջնորդ Սրբազանը գնահատեց անոնց մատուցումները, դրուատեց դաստիարակները, ապա կեդրոնացաւ Ծաղկազարդի ու Ս. Յարութեան տօներու խորհուրդներուն վրայ, ընդգծելով, որ Յիսուս այնքան կը սիրէ մանուկները եւ մեզի կ’ըսէ, «Ձգեցէ՛ք որ մանուկները ինծի գան»։ Այս առիթով, մանուկներուն նուիրեց խաչեր եւ Ս. Յարութեան նկարներ։

Print Friendly, PDF & Email

ՎԵՐՋԻՆ ԼՈՒՐԵՐ

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

July 14, 2019 July 7, 2019

ԼՈՒՐԵՐՈՒ ԱՐԽԻՒ