Ռոզ Եւ Ալեք Փիլիպոս Ազգային Երկրդ. Վարժարանի Տնօրէնն Ու Ներկայացուցիչներ Այցելեցին Ազգային Առաջնորդարան

Հինգշաբթի, 14 Յունուար 2021ի յետմիջօրէին, Արեւմտեան Թեմի Բարեջան Առաջնորդ՝ Գերշ. Տ. Թորգոմ Ս. Եպս. Տօնոյեան ընդունեց այցելութիւնը Հոլիվուտի Ռոզ եւ Ալեք Փիլիպոս Ազգային վարժարանը ներկայացնող պատուիրակութեան մը՝ գլխաւորութեամբ վարժարանի տնօրէնուհի դոկտ. Ալինա Դուրեանի, ընկերակցութեամբ վարժարանի Ուսումնական մարմնի ատենապետ Վահէ Թաշճեանի, անդամ Մուրատ Շահինեանի եւ ՀՕՄի «Մարի Փոսթոյեան» մանկամսուրի վարիչ Քրիսթինա Մովսէսեանի:

Այցելուները իրենց ջերմագին շնորհաւորութիւնները յայտնեցին Սրբազան Հօր՝ Արեւմտեան Ամերիկայի թեմակալ առաջնորդ ընտրութեան առթիւ եւ վարժարանի մեծ ընտանիքին անունով Սրբազան Հօր փոխանցեցին Նոր Տարուան եւ Ս. Ծննդեան բարեմաղթութիւններ: Ծաւալեցաւ մտերմիկ զրոյց, որուն ընթացքին Սրբազան Հայրը բարձր գնահատեց Ռոզ եւ Ալեք Փիլիպոս վարժարանի ազգային նկարագիրը, հայակեդրոն եւ հայանպաստ առաքելութիւնն ու արձանագրած նուաճումները:

Հանդիպման ընթացքին յոյս յայտնուեցաւ, որ պսակաձեւ ժահրի համաճարակին դէմ պատուաստումը շուտով կ՛ընդհանրանայ, երկիրը իր բնականոն կեանքին կը վերադառնայ, իսկ աշակերտական ուրախ ճռուողիւնն ու ջերմ ներկայութիւնը վերստին կ՛իմաստաւորեն փոքրին ու մեծին, աշակերտին ու ուսուցիչին, պատասխանատու մարմիններու, ծնողներու եւ վարժարանին առօրեան: Այս առիթով Սրբազան Հայրը ուրախութեամբ յիշեց մօտիկ անցեալին նոյն վարժարանի 12րդ կարգի աշակերտութեան իբրեւ կրօնաբարոյական նիւթերու ուսուցիչ իր դասաւանդման պահերը՝ արձանագրելով, որ հայ-քրիստոնեայ աշակերտութեան հետ իր շփումներն ու անցուցած խորիմաստ, երջանիկ վայրկեանները անջնջելի պիտի մնան իր հոգիին մէջ եւ յաջողութիւն մաղթեց վարժարանի ծրագիրներուն:

Print Friendly, PDF & Email

ՎԵՐՋԻՆ ԼՈՒՐԵՐ

2021 – Արցախի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն 2021 տարուան սեմին, Մեծի Տանն Կիլիկիոյ... [...]

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

February 28, 2021 February 21, 2021