Երկու Միաբաններ Կը Միանան Արեւտեան Մեր Թեմի Հոգեւոր Ծառայութեան

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, Կրօնական Ժողովն ու Ազգ. Վարչութիւնը այսու կը յայտարարեն, որ Ս. Աթոռոյս գահակալ Ն.Ս.Օ.Տ.Տ. Արամ Ա. Կաթողիկոսի տնօրինութեամբ, Մեծի Տանն Կիլիկիոյ Կաթողիկոսութեան միաբանութեան երիտասարդ անդամներէն՝ Հոգշ. Տ. Սմբատ Վրդ. Սապունճեան եւ Հոգշ. Տ. Աշոտ Աբղ. Խաչատուրեան կը միանան Արեւմտեան մեր Թեմի հոգեւոր դասին։

Երկու միաբանները Լոս Անճելըս ժամանեցին Երկուշաբթի, 7 Հոկտեմբեր 2019-ին: Անոնք շուտով պիտի ստանձնեն իրենց հովուական պաշտօնները։ Հայր Սմբատ նշանակուած է Սան Ֆրանսիսքոյի Ս. Գրիգոր Լուսաւորիչ եկեղեցւոյ հոգեւոր հովիւ, իսկ Հայր Աշոտ՝ Ֆրեզնոյի Ս. Երրորդութիւն Մայր եկեղեցւոյ հոգեւոր հովիւ։

ԿԵՆՍԱԳՐԱԿԱՆ ԳԻԾԵՐ

Հոգշ. Տ. Սմբատ Վրդ. Սապունճեան (աւազանի անունով Ճորճ) ծնած է Լիբանան, 1991-ին: Կուսակրօն քահանայ ձեռնադրուած է Յունիս 2012-ին։ Երեք տարի ծառայած է Յունաստանի Թեմէն ներս իբրեւ հոգեւոր հովիւ Թեսաղոնիկէի Ս. Աստուածածին եկեղեցւոյ։ Եղած է Վեհափառ Հայրապետի գաւազանակիր։ Դասաւանդած է Պէյրութի Ազգային Միացեալ Վարժարանէն ներս։

Հոգշ. Տ. Աշոտ Աբղ. Խաչատուրեան (աւազանի անունով Մովսէս) ծնած է Սուրիա, 1995-ին: Կուսակրօն քահանայ ձեռնադրուած է Յունիս 2017-ին: Եղած է Վեհափառ Հայրապետի գաւազանակիր, Դպրեվանքի հսկիչ եւ ուսուցիչ, ինչպէս նաեւ Կաթողիկոսարանի «Կիլիկիա» թանգարանի տեսուչ։

Կ’ողջունենք Հայր Սմբատի ու Հայր Աշոտի Արեւմտեան մեր Թեմ ժամանումը եւ կը մաղթենք յաջողութիւն՝ իրենց ծառայական կեանքի նոր անդաստաններուն մէջ:

Print Friendly, PDF & Email

ՎԵՐՋԻՆ ԼՈՒՐԵՐ

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 13, 2019 October 6, 2019

ԼՈՒՐԵՐՈՒ ԱՐԽԻՒ