ԿԱՐԳԱԼՈՅԾ ՀՌՉԱԿՈՒՄ Պարթեւ Վրդ. Կիւլիւմեանի

եծի Տանն Կիլիկիոյ Կաթողիկոսութեան Միաբանութեան Տնօրէն Ժողովը կը յայտարարէ, թէ նկատի ունենալով՝

ա.- Պարթեւ Վրդ. Կիւլիւմեանի ցուցաբերած անհնազանդ ընթացքը,

բ.- Կաթողիկոսարանը խաբած ըլլալը, փոխանակ Վենեզուելա՝ իր ներկայ պաշտօնատեղին եւ հետագային Քանատա՝ իր նոր պաշտօնատեղին ուղղուելու, Լոս Անճելոս մնացած ըլլալը,

գ.- Վերջերս Լոս Անճելոսի մէջ, Հայ Եկեղեցիէն ներս քարոզի ընթացքին իր ունեցած անպատշաճ արտայայտութիւնները,

դ.- Զղջումնագիր գրելու իրեն տրուած վերջին առիթին մերժումը,

Տնօրէն Ժողովը, Մեծի Տանն Կիլիկիոյ Կաթողիկոսութեան կանոնագրութեան տրամադրութիւններուն համաձայն, միաձայնութեամբ առաջարկեց Վեհափառ Հայրապետին որ կարգալոյծ հռչակէ Հայր Պարթեւը:

Ն.Ս.Օ.Տ.Տ. Արամ Ա. Կաթողիկոս 16 Հոկտեմբեր, 2012 թուակիր վճռագրով կարգազուրկ հռչակեց Պարթեւ Վրդ. Կիւլիւմեանը, զինք դասելով աշխարհականներու կարգին նախկին Պերճ անունով:

16 Հոկտեմբեր 2012

Անթիլիաս

Print Friendly, PDF & Email

ՎԵՐՋԻՆ ԼՈՒՐԵՐ

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

February 23, 2020 February 16, 2020

ԼՈՒՐԵՐՈՒ ԱՐԽԻՒ