Արեւմտեան Թեմը Կը Գուժէ Արուեստագէտ ու Ժողովրդական Երգիչ Ատիս Հարմանտեանի Մահը

Այսու մեր ժողովուրդին կը գուժենք, որ Կիրակի, 1 Սեպտեմբեր, 2019-ին, իր մահկանցուն կնքեց արուեստագէտ եւ ժողովրդական երգիչ Ատիս Հարմանտեանը։

Արդարեւ, Ատիս Հարմանտեանը իր հմայիչ ձայնով մեկնաբանած է բազմաթիւ երգեր՝ հայ լեզուն, երգն ու մշակոյթը հրամցնելով մեր ժողովուրդին։ Ան ո՛չ միայն հայ երաժշտութեան նոր երանգ տուաւ, այլեւ բազմարժէք ստեղծագործութեանց յորդառատ կեանքով հայ ժողովրդական երգը տասնամեակներ շարունակ լսելի դարձուց հայ ընտանիքէն ներս։

Նշենք, որ 2005-ին Ն.Ս.Օ.Տ.Տ. Արամ Ա. Կաթողիկոս «Ս. Մեսրոպ Մաշտոց» շքանշանով պատուած էր Ատիս Հարմանտեանը, իսկ 2016-ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան օրհնութեան ու գնահատանքի գիր մը շնորհած էր անոր։

Այս տխուր առիթով, ցաւակցութիւն կը յայտնենք հանգուցեալի զաւակներուն, ընտանեկան պարագաներուն, հարազատներուն եւ արուեստագէտ գործընկերներուն։
Յուղարկաւորութեան արարողութիւնը տեղի պիտի ունենայ Շաբաթ, 7 Սեպտեմբերին, Հոլիվուտի Հիլզի «Ֆորէսթ Լոն» գերեզմանատան «Hall of Liberty» սրահին մէջ։

Յիշատակն արդարոյն օրհնութեամբ եղիցի։

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ

Print Friendly, PDF & Email

ՎԵՐՋԻՆ ԼՈՒՐԵՐ

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 9, 2020 August 2, 2020

ԼՈՒՐԵՐՈՒ ԱՐԽԻՒ