Ազգային Առաջնորդարանի Վերահրատարակաց Ժագ Ս. Յակոբեանի «Յիսուսաբոյր» Բանաստեղցութիւններու Հատորը

Ուրախ ենք յայտնելու մեր ժողովուրդին, որ Ազգային Առաջնորդարանը այս շաբաթ լոյս ընծայեց վաստակաշատ դաստիարակ, մտաւորական ու բանաստեղծ Ժագ Ս. Յակոբեանի «Յիսուսաբոյր» հատորը, որ սպառած էր։ Սա հատորին երրորդ հրատարակութիւնն է եւ իրագործուեցաւ բանաստեղծին հետ գործակցաբար՝ ժողովրդային պահանջին ընդառաջելով։

Հատորը կը բաղկանայ 168 էջերէ։ Այս հրատարակութիւնը նախկինին սոսկական վերարտադրութիւնը չէ, որովհետեւ հեղինակը զայն հարստացուցած է քանի մը այժմէական ու նոր բանաստեղծութիւններով, որոնք տեղ գտած են հատորին սկզբնաւորութեան։ Յառաջաբան մը եւ օրհնութեան խօսք մը ունի Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, որ վեր առած է բանաստեղծի ու Աստուծոյ հաւատարիմ ծառայի արժանիքները, որոնք մեր գրականութիւնը կը ծաղկեցնեն աւելի քան 80 տարիէ ի վեր եւ խորքին մէջ Աստուծոյ կողմէ շնորհուած ձիրքերուն ծաղկումն են ու հոգիի ակունքներէն բխած՝ ներշնչեալ խօսքի ճամբով Աստուծոյ մատուցումը, հետեւելով «զՔոյս ի քոյոց Քեզ մատուցանեմ» խորհուրդին։

Ստանալու համար, կարելի է դիմել Ազգային Առաջնորդարան։

Print Friendly, PDF & Email

ՎԵՐՋԻՆ ԼՈՒՐԵՐ

Արեւմտեան Մեր Թեմէն Երիտասարդներ Կը Մասնակցին Կաթողիկոսարանի Երիտասարդական Ամառնային Խտացեալ Դասընթացքին

Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ... [...]

2019 – Հայ Մամուլի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

Առաջնորդ Սրբազան Հօր Ս. Զատկուան Պատգամը

Ս. ՅԱՐՈՒԹԻՒՆԸ՝ ՅԱՂԹԱՆԱԿ ՃՇՄԱՐՏՈՒԹԵԱՆ ԵՒ ԱՐԴԱՐՈՒԹԵԱՆ Յարութեան տօնին յաղթական աւետիսը դարձեալ ցնծութեամբ կը լեցնէ մեր կեանքը, իր լոյսով կը պայծառացնէ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 18, 2019 August 11, 2019

ԼՈՒՐԵՐՈՒ ԱՐԽԻՒ