«Հայ Մամուլի Տարուան» Հայրապետական Պատգամի Ընթերցում Թեմիս Եկեղեցիներուն Մէջ

Ինչպէս ծանօթ է, Ս. Աթոռոյս գահակալ Ն.Ս.Օ.Տ.Տ. Արամ Ա. Կաթողիկոս 2019 տարին հռչակած է «Հայ Մամուլի Տարի», կոչ ուղղելով մեր ժողովուրդին, որ զանազան նախաձեռնութիւններով վեր առնէ հայ մամուլի եւ լրատու աղբիւրներուն դերն ու կարեւորութիւնը՝ մեր կեանքին մէջ, եւ արտայայտէ անոր նկատմամբ իր զօրակցութիւնը։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի տնօրինումով, Կիրակի, 10 Փետրուար 2019-ին, մեր բոլոր եկեղեցիներուն մէջ, յընթացս Ս. Պատարագի, պիտի ընթերցուի «Հայ Մամուլի Տարուան» հայրապետական պատգամը։

Առաջնորդ Սրբազանը պիտի հանդիսապետէ Հոլիվուտի Ս. Կարապետ Մայր եկեղեցւոյ Ս. Պատարագին ու պիտի ընթերցէ Նորին Սրբութեան պատգամը։

Կոչ կ’ուղղենք մեր հաւատացեալ ժողովուրդին, եւ յատկապէս մեր մամուլի ներկայացուցիչներուն, որ ներկայ ըլլան Ս. Պատարագին եւ հաղորդակից դառնան Նորին Ս. Օծութեան պատգամին։

Print Friendly, PDF & Email

ՎԵՐՋԻՆ ԼՈՒՐԵՐ

ՊԱՏԿԵՐԱՍՓԻՒՌԻ ՅԱՅՏԱԳԻՐ

March 29, 2020 March 22, 2020

ԼՈՒՐԵՐՈՒ ԱՐԽԻՒ