Հրանդ Տինքի Սպանութեան 12-րդ Տարելիցին Նուիրուած Ոգեկոչական Ձեռնարկ եւ Հոգեհանգիստ

Նախաձեռնութեամբ Լոս Անճելըսի Պոլսահայ միութեան, Կիրակի, 20 Յունուար 2019-ին, նշուեցաւ Հրանդ Տինքի նահատակութեան 12րդ տարելիցը։

Կէսօրէ ետք, ժամը 2-ին, Մոնթեպելլոյի նահատակաց յուշարձանին առջեւ կատարուեցաւ հոգեհանգստեան պաշտօն։

Երեկոյեան, միութեան կեդրոնին մէջ տեղի ունեցաւ յուշ երեկոյ մը. յանուն Առաջնորդ Սրբազան Հօր, ներկայ եղաւ Արժ. Տ. Ռազմիկ Աւ. Քհնյ. Խաչատուրեան։

Բացման խօսքը արտասանեց միութեան մշակութային յանձնախումբի ատենապետ Տոքթ. Յովհաննէս Գուլակ-Աւետիքեան։ Ներկայ հոգեւոր հայրերը կատարեցին բացման աղօթքն ու հոգեհանգիստ՝ Հրանդ Տինքի հոգւոյն համար։ Հանդիսավարն էր միութեան հոգաբարձութեան ատենապետ իրաւաբան Էտվին Մինասեան։ Յայտագիրը ունէր ոգեկոչական բանախօսութեան, գեղարուեստական եւ հարցազրոյցի բաժիններ։ Խօսք առին պոլսահայ ճարտարապետ եւ հեղինակ Զաքարիա Միլտանօղլու, պոլսահայ լրագրող Հայկօ Պաղտատ եւ մեր գաղութի ազգային գործիչներէն իրաւաբան Կարօ Ղազարեան։

Միութիւնը այս տարի Հրանդ Տինքի անուան «Հոգիի ազատութեան եւ արդարութեան» շքանշանը շնորհեց Տիար Միլտանօղլուին։

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022