Հայ Մշակութային Հաստատութեան Գոհաբանութեան Օրուան Ընթրիք՝ ի Նպաստ «Ասպարէզ» Օրաթերթին

Հինգշաբթի, 21 Նոյեմբեր 2019-ին, Կլենտէյլի «Phoenicia» ճաշարանին մէջ տեղի ունեցաւ Հայ Մշակութային Հաստատութեան Գոհաբանութեան Օրուան նուիրուած հանգանակային ընթրիքը՝ ի նպաստ «Ասպարէզ» օրաթերթին։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ներկայ եղաւ եւ կատարեց բացման աղօթքը։ Ներկայ էին Առաջնորդական փոխանորդ Գերշ. Տ. Թորգոմ Եպս. Տօնոյեան, Ազգ. Վարչութեան ատենապետ Տիար Կարօ Էշկիան եւ անդամներ, քոյր միութեանց ներկայացուցիչներ, բարերարներ ու բարեկամներ։

Գոհաբանութեան Օրուան նախօրեակին, Առաջնորդ Սրբազանը նախ իր բարեմաղթութիւնները փոխանցեց բոլորին։ Ան գնահատեց ներկաներուն զօրակցութիւնը «Ասպարէզ» օրաթերթին եւ կոչ ուղղեց վերանորոգ յանձնառութեամբ թերթին աջակցիլ։ Անդրադառնալով գաղութէն ներս մամուլի ճամբով «Ասպարէզ»ի ունեցած առաքելութեան, Առաջնորդ Սրբազանը յաջողութիւն մաղթեց անոր յառաջիկայ բոլոր ծրագիրներուն։ Ապա, շնորհաւորական խօսք ուղղեց Հայ Մշակութային Հաստատութեան նուիրեալներ ծառայողներուն եւ յատկապէս Հ.Յ.Դ. Արեւմտեան Ամերիկայի Կեդրոնական Կոմիտէին։

Ապա, խօսք առին «Ասպարէզ» օրաթերթի խմբագիր Տիար Արման Պաղտոյեան եւ Հայ Մշակութային Հաստատութեան ատենապետ Տիար Աւետիք Իզմիրլեան։ Գործադրուեցաւ գեղարուեստական կոկիկ յայտագիր մը։

Print Friendly, PDF & Email

ՎԵՐՋԻՆ ԼՈՒՐԵՐ

2021 – Արցախի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն 2021 տարուան սեմին, Մեծի Տանն Կիլիկիոյ... [...]

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

July 25, 2021 July 18, 2021