Հայց. Առաք. Եկեղեցւոյ Հոգեւոր Եղբայրակցութեան 20-ամեակի Տօնակատարութիւն

Ամանորի եւ Ս. Ծննդեան տօնի նախօրեակին, Հայաստանեայց Առաքելական Եկեղեցւոյ Հոգեւոր Եղբայրակցութիւնը Շաբաթ, 23 Դեկտեմբեր 2017-ի երեկոյեան, Կլենտէյլի իր կեդրոնին մէջ կազմակերպած էր տօնական օրերու յատուկ ձեռնարկ մը, որ նաեւ Եղբայրակցութեան այս ափերու գործունէութեան 20-ամեակը կը նշէր։ Ձեռնարկը կը վայելէր Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի հովանաւորութիւնը։ Յանուն Առաջնորդ Սրբազանին՝ ներկայ էին առաջնորդական փոխանորդ Գերպ. Տ. Թորգոմ Ծ. Վրդ. Տօնոյեան, Արժ. Տ. Նարեկ Աւ. Քհնյ. Փեհլիւանեան եւ Տ. Ղեւոնդ Քհնյ. Քիրազեան։

Եղբայրակցութեան վարչութեան ատենապետ Աւօ եղբայր Գապաքչուզեանի ողջոյնի ու բարեմաղթութեանց խօսքէն ետք, աշակերտները ներկայացուցին Ս. Ծննդեան տօնին յատուկ շարականներ ու երգեր, կատարեցին Ս. Գրային ընթերցումներ։

Հայր Թորգոմ շնորհաւորանքի խօսք ուղղեց Եղբայրակցութեան՝ 20-ամեակին առիթով, մաղթեց, որ անոր գործունէութիւնը շարունակուի մեր եկեղեցւոյ աւանդութեանց հաւատարմութեամբ եւ յորդորեց լիցքաւորուիլ Ս. Ծննդեան տօնի խորհուրդներով, ծառայել նուիրումով եւ խոնարհութեամբ։

Ցուցադրուեցաւ ժապաւէն մը, որ լոյս կը սփռէր Եղբայրակցութեան 20 տարիներու ծառայական գործունէութեան վրայ։

Աւարտին, ներկաները հիւրասիրուեցան սիրոյ սեղանով։

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

Sempetmber 18, 2022 Sempetmber 11, 2022