Ցեղասպանութեան 99-Ամեակին Նուիրուած Ձեռնարկներ


Հինգշաբթի, 24 Ապրիլ 2014ին, Ցեղասպանութեան 99-ամեակը նշուեցաւ հրապարակային ձեռնարկներով ու հանդիսութիւններով։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան անձամբ կամ ներկայացուցիչներով մասնակից եղաւ հետեւեալ ձեռնարկներուն.-

Հինգշաբթի կէսօրին, հայկական երեք յարանուանութեանց հոգեւոր առաջնորդները, հոգեւորականներ, հայկական կուսակցութեանց ու միութեանց ներկայացուցիչներ, եւ հազարաւոր հայորդիներ համախմբուեցան Մոնթեպելլոյի Նահատակաց Յուշարձանին շուրջ, ուր տեղի ունեցաւ քաղաքական հաւաք, հոգեհանգիստ եւ ծաղկեպսակի զետեղում։ Հաւաքը կազմակերպուած էր Ցեղասպանութեան Ոգեկոչման Հայկական Միացեալ Մարմինին կողմէ։

Նոյն օրը, առաւօտուն, Հոլիվուտի Little Armenia շրջանին մէջ տեղի ունեցաւ Միացեալ Հայ Երիտասարդներու կազմակերպած քայլարշաւը։ Առաջնորդ Սրբազանն ու հոգեւոր հայրեր աղօթքով օրհնեցին կազմակերպող երիտասարդներն ու մասնակիցները, ապա առաջնորդեցին քայլարշաւը։

Կէսօրէ վերջ, կազմակերպութեամբ Հայ Երիտասարդաց Դաշնակցութեան, բողոքի ցոյց մը տեղի ունեցաւ Լոս Անճելըսի թրքական հիւպատոսարանին առջեւ։ Ցոյցը շարունակուեցաւ 24 ժամ, մինչեւ Ուրբաթ, 25 Ապրիլ, կ.ե. ժամը 2։

Երեկոյեան, 13-րդ տարին ըլլալով, Կլենտէյլի քաղաքապետութեան կողմէ կազմակերպուած էր յուշ երեկոյ, քաղաքի “Ալեքս” սրահին մէջ։

Չորեքշաբթի, 23 Ապրիլի երեկոյեան, կազմակերպութեամբ Միացեալ Հայ Երիտասարդներու, հսկում ու մոմավառութիւն տեղի ունեցաւ Կլենտէյլի Civic հանդիսասրահին կողքի կանգառին մէջ, ուր զետեղուած է Ցեղասպանութեան յուշակոթողը։

Դարձեալ 23 Ապիրլի երեկոյեան, կազմակերպութեամբ Հայաստանի Հիւպատոսարանի, տեղի ունեցաւ դրօշակի արարողութիւն, Հիւպատոսարանի շրջաբակին մէջ, Կլենտէյլ։

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 7, 2022 July 31, 2022