Խաղողօրհնէք Կլենտէյլի Adventist Հիւանդանոցին Մէջ


Ս. Աստուածածնայ Վերափոխման տօնի նախօրեակին, եւ համաձայն տարիներու բարի աւանդութեան, Չորեքշաբթի, 12 Օգոստոս 2015-ի առաւօտեան, Հոգեշնորհ Տ. Պօղոս Վրդ. Թինքճեան, Կլենտէյլի Ս. Աստուածածին Եկեղեցւոյ հոգեւոր հովիւներէն Արժ. Տ. Արտակ Քհնյ. Տէմիրճեան ու սարկաւագներ այցելեցին Glendale Adventist հիւանդանոցը եւ հաստատութեան մատրան մէջ կատարեցին բժշկութեան աղօթք եւ խաղողօրհնէք։

Հիւանդանոցի պատասխանատուներէն՝ Տիկին Ռամելա Մարգարեան ողջունեց հոգեւոր հայրերն ու ներկաները, վեր առնելով այս աւանդական արարողութեան կարեւորութիւնը: Բացման աղօթքը կատարեց Chaplain Ալ Կարսիլազօ:

Հայր Պօղոս խօսեցաւ օրուան խորհուրդին մասին, ապա կատարեց խաղողի օրհնութիւնը: Ան բժիշկներուն, անձնակազմի անդամներուն եւ հիւանդանոցի խնամքին ենթականերուն փոխանցեց Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի բարեմաղթութիւնները, ապա նշեց, որ խաղողը կը նկատուի խորհրդանիշը Յիսուսի արեան, որ զոհաբերուեցաւ մեր մեղքերու թողութեան համար. իսկ մենք, այգիներու առաջին բերքը նուիրաբերելով՝ Աստուածամօր բարեխօսութիւնը կը հայցենք մեր մեղքերուն քաւութեան համար:

Արարողութենէն ետք, հոգեւոր հայրերը այցելեցին հիւանդանոցի հայ հիւանդներուն, աղօթեցին անոնց առողջութեան համար եւ օրհնուած խաղող բաժնեցին։

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022